کالیفرنیا-دا مئشه یانغین‌لاری پرزیدنت کیتاب‌خاناسینا یاخینلاشیب
کالیفرنیا-دا مئشه یانغین‌لاری امریکانین 13 فدرال پرزیدنت کیتابخانالاریندان ان بؤیوگو اولان رونالد ریگان کیتاب‌خاناسینا یاخینلاشیب.
کالیفرنیا-دا مئشه یانغین‌لاری امریکانین 13 فدرال پرزیدنت کیتابخانالاریندان ان بؤیوگو اولان رونالد ریگان کیتاب‌خاناسینا یاخینلاشیب.
یانغینسؤن‌دورن‌لر بینا‌دان جمعی 30 متر آرا‌لیدا آلووون قارشی‌سینی آلماغا چالیشیرلار.
کیتاب‌خانانین فوندوندا 60 میلیون صحیفه سند، 1،6 میلیون فوتوشکیل، 150 کیلومتر اوزونلوغوندا فیلم لئنت، اون مین‌لرله سس و ویدئو کاست ساخلانیلیر. موزه نین آرشیوینده، همچنین ریگانین شخصی سندلری ده وار. امریکا-نین 40-جی پرزیدنتی رونالد ریگان کیتاب‌خانا بینا‌لاری کومپلئکسی‌نین یئرلشدیگی اراضیده دفن اولونوب.
کیتاب‌خانا نماینده‌سی‌نین سؤزلرینه گؤره، تاسیس هله‌لیک یانغین‌دان ضرر چکمه‌ییب.
اوکتبرین 31-نه کئچن گئجه آلوو لوس-آنجلس‌دن قوزیی ده یئرلشن سیمی-وللی و مورپارک شهرلری آراسینداکی اراضینی احاته ائدیب. طبیعی فلاکت سببیندن بو بؤلگه‌ده یاشایان 30 مین اینسانین تخلیه اولونماسی باره‌ده گؤستریش وئریلیب. یانغین‌لار، همچنین ایالتین 30 دایره‌سینده 1،5 میلیون اینسانین الکتریک‌سیز قالماسینا سبب اولوب.
آرتیق بیر نئچه هفته‌دیر کی، کالیفرنیا ایالتینده گوجلو مئشه یانغین‌لاری طغیان ائدیر. اوکتبرین 27-ده فرماندار گئوین نیوسوم ایالتین بوتون اراضی‌سینده فوق العاده وضعیت رژیمی تطبیق ائدیب. ایالتین 58 دایره‌سی‌نین 43-ده قیریمیزی تهلوکه سویه‌سی اعلان اولونوب.
فرناندارین سؤزلرینه گؤره، هر ایل اوکتبر آییندا کالیفرنیا-دا باش وئرن مئشه یانغین‌لاری بو ایل گوجلو کولک سببیندن خصوصی تهلوکه داشیییر. بئله کی، قورو هاوا و سرعتی ساعاتدا 112 کیلومتره چاتان کولک‌لر وضعیتی داها دا چتینلشدیریر. میللی مئتئورولوگیا خیدمتی یاخین زامان‌لاردا کولیین سنگیجیینه و وضعیتین دوزلجیینه اومید ائدیر.
