باهالیغا اعتراض گؤستریسی بؤیویور
یئرلی مطبوعات، گؤستریلره ۸۰۰ مین‌دن آرتیق انسانین قاتیلدیغینی و بو سایینین ۱ میلیونو گئچمه‌سی گؤزلندیگی معلوماتینی پایلاشدی
شیلیده مترو قیمتینده آرتیش ایله باشلایان و اؤتن هفته شدت اولایلارینا دؤنوشن گؤستریلر ۷.جی گونونده داوام ائدیر.
شیلینین "تاریخین‌ده‌کی ان بؤیوک گؤستریسی" آدی وئریله‌ن گؤستریلرده، باشکند سانتیاگودا ایتالیا میدانینی دولدوران یوز مینلرجه اینسان، دؤولت باشقانی سباستین پینیه‌را حکومتینه، اؤلکه‌ده‌کی حیات باهالی‌لیغی و ساغلیق خیدمتلرینه اعتراض ائتدی.
یئرلی مطبوعات، گؤستریلره ۸۰۰ مین‌دن آرتیق انسانین قاتیلدیغینی و بو سایینین ۱ میلیونو گئچمه‌سی گؤزلندیگی معلوماتینی پایلاشدی.
شیلیده باشکند سانتیاگونون ان اؤنملی نقلیات آراجی مترویا، گئچه‌ن هفته، معین ساعاتلار آراسین‌دا اویقولانماق اوزره یوزده ۴ آرتیش ائدیلمه‌سینه قارشی مترودا باشلایان اعتراضلار، گوونلیک گوجلرینین، پول اؤد‌مه‌دن گئچه‌نلری گوج ایله چیخارماسیلا شدت حادثه‌لرینه چئوریلمیشدی.
اؤلکه‌یه یاییلان گؤستریلرده، یاغمالاما و یاندیرما حادثه‌لری باش وئرمیش، ۳ بؤلگه ایله ۱۱ شهرده گوونلیگین اوردویا بوراخیلماسینی احاطه ائدن "عاجیل وضعیت" و "کوچه‌یه چیخما یاساغی" اعلان ائدیلمیشدی.
گؤستریلرده ۱۹ نفر حیاتینی ایتیررکن، ۵۰۰دن چوخ انسان یارالانمیش، ۲ مین ۶۰۰دن چوخ انسان گؤزآلتینا آلیمیشدی.
شیلینین اسکی پرزیدنتی و بیرلشمیش میللتلر اینسان حاقلاری یوکسک کمیسری میچل باچله ده اؤلکه‌ده‌کی بحرانین سونا چاتدیریلماسی اوچون بوتون سیاسی و سیویل توپلوم لیدئرلرینه عاجیل دیالوگ چاغریسی ائتمیشدی.
ایلگیلی‌لی خبرلر
بیر ائوده ۵ نفرین جسدی تاپیلدی
مکزیکده امیلیانو زاپاتا قصبه‌سینده‌کی ائوده سلاحلا اؤلدورولموش ۵ نفرین جسدی معین ائدیلدی
