مرکل، پوتین ایله اوکراین، سوریه و لیبی‌دکی سون وضعیتی گؤروشدو
آلمان حکومت سؤزچوسو استفان سیبرت، ائتدیگی یازی‌لی آچیقلامادا، باشباخان مرکل ایله روسیا دولت باشقانی پوتین‌ین دونن بیر تلفون گؤروشمه‌سی رئاللاشدیردیغینی ایفاده ائتدی
آلمانیا باش ناظیری آنگلا مرکل، روسیا دولت باشقانی ولادیمیر پوتین ایله اوکراین، سوریه و لیبی‌دکی سون وضعیتی گؤروشدو.
آلمان حکومت سؤزچوسو استفان سیبرت، ائتدیگی یازی‌لی آچیقلامادا، باشباخان مرکل ایله روسیا دولت باشقانی پوتین‌ین دونن بیر تلفون گؤروشمه‌سی رئاللاشدیردیغینی ایفاده ائتدی.
موصاحیبه‌نین مرکزینده نورماندیا فورماتیندا یاخین زاماندا ائدیله‌جک ایجلاسین حاضیرلیق‌لاری‌نین یئر آلدیغینی ایفاده ائدن سیبرت، گؤروشمه‌ده عینی زماندا سوریه و لیبی‌دکی وضعیت ایله اوکراین اوزرین‌دن گاز کئچیشی‌نین داوام ائتمه‌سینه باغلی ائدیلن موذاکیره‌لرین اله آلیندیغینی بیلدیریب.
نورماندیا فورماتی، اوکراین بحرانی‌نین حلّی اوچون آلمانیا، فرانسا، روسیا و اوکراین طرفین‌دن قورولموشدو. بو فورماتدا بو اؤلکه‌لرین لیدرلری‌نین قاتیلاجاغی ایجلاسین نه زامان ائدیله‌جگینه باغلی تاریخ ایسه هله آچیقلانماییب.
