لهستان خالقی صاندیق باشیندا

لهستاندا سئچیجی‌لر، یئنی میللت وکیل‌لر و سناتو عضو‌لرینی معین‌لش‌دیرمک اوچون صاندیق باشینا گئتدی

1287082
لهستان خالقی صاندیق باشیندا

لهستاندا سئچیجی‌لر، یئنی میللت وکیل‌لر و سناتو عضو‌لرینی معین‌لش‌دیرمک اوچون صاندیق باشینا گئتدی.

تخمینن 38 میلیون اها‌لییه مالیک اؤلکه‌ده خالق، 460 صندلیک مجلیس (Sejm) و 100 صندلیک سناتونون یئنی عضو‌لرینی تعیین ائتمک اوچون سس وئرمه‌یه باشلادی. یئرلی واختلا 07.00ده باشلایان سس وئرمه پروسه‌سی 21.00ه قدر داوام ائده‌جک.

سئچیجی‌لر، حاضیردا حاکمیتده اولان موحافیظه‌کار حقوق و عدالت پارتیسی (PiS)، سول لیبرال و یاشیل‌لارین یاراتدیغی سیویس پلاتفورمو (PO)، دموکراتیک سول اتفاقی (SLD)، 2007-2015ده کوالیسیون اورتاغی اولان لهستان کندلی پارتیسی (PSL) ایله ساغچی کوکیز15 ایتیفاقی‌نا یاناشی، رادیکال پارتی‌لرین بیر آرایا گله‌رک یاراتدیغی کونفدراسیون (Konfederacja) اتفاقینا سس وئره بیله‌جک.

سون توپلوم آراشدیرما‌لاریندا لهستان کندلی پارتیسی‌نین یوزده 45لیک سس نیسبتی ایله اؤنده اولدوغو گؤرونور.

سورغولارا گؤره، سول لیبرال و یاشیل‌لارین یاراتدیغی سیویس پلاتفورمونون (PO) 30%، دموکراتیک سول ایتیفاقینین (SLD) یوزده 14، لهستان کندلی پارتیسی (PSL) ایله ساغچی کوکیز15 ایتیفاقی‌نین یوزده 7 جیویاریندا سس آلا‌راق پارلامنته داخیل اولاجاغی تخمین ائدیلیر.



ایلگیلی‌لی خبرلر