امریکا پرزیدنتی دونالد ترامپین پ.کا.کا ترور تشکیلاتی ایله علاقه‌دار اعترافی

امریکا پرزیدنتی دونالد ترامپ سابیق پرزیدنت باراک اوبامانین پ.کا.کا ترور تشکیلاتی ایله راضیلاشدیغینی، اما بونون سهو آدیم اولدوغونو بیلدیریب.

دونالد ترامپ تورکیه سلاح‌لی قوه‌لری طرفیندن سوریه-ده فرات چایی‌نین دوغوسوندا حیاتا کئچیریلن "باریش بولاغی" عملیاتی ایله علاقه‌دار آچیقلاما وئریب.

سابیق پرزیدنت اوبامانین بولوجو ترورچولارلا امکداش‌لیق ائتدیگینی اعتراف ائده‌رک بونون "سهو" آدیم اولدوغونو قئید ائدن ترامپ "تورکیه ایللردیر اؤلومجول دوشمنی پ.کا.کا ایله موباریزه آپاریر" دئیه بیلدیریب.

تورکیه-‌نین آیریجا سوریه-لی میلیون‌لارلا قاچقینا ائو صاحب‌لیگی ائتدیگینی خاطیرلا‌دان امریکا پرزیدنتی تورکیه اولماسایدی بو اینسان‌لارین دونیانین دؤرد بیر طرفینه داغیلاجاغینی وورغولاییب.

امریکان عسگرلری‌نین سوریه-دن چیخاریلماسی قرارینی مودافعه ائدن ترامپ محاربه‌یه سون قویماغین واختی‌نین چاتدیغینی دا قئید ائدیب.