پنتاگون: تورکییه‌نین یولوندان چکیلدیک

"باخانلیق، ثابت‌لیگی تامین ائتمک اوچون ان یاخشی یولون سوریه‌ده گوونلی بؤلگه یاراتماق اولدوغو قونوسون‌داکی توتومونو هله ده قورویور"

1284313
پنتاگون: تورکییه‌نین یولوندان چکیلدیک

آمریکا بیرلشمیش دؤولتلری ساوونما باخانلیغی (پنتاگون) سؤزچوسو جاناتان هافمن،

"سوریه‌نین قوزئیینده‌کی آمریکا بیرلشمیش دؤولتلری عسگرلرینین گوونلیگینی تامین ائتمک اوچون تورکییه‌نین محتمل مداخیله یولون‌دان چکیلدیک" آچیقلاماسینی ائتدی.

باشقان دونالد ترامپین، تورکییه‌نین محتمل عملیاتی قارشیسیندا سوریه‌نین قوزئیین‌ده معین بؤلگه‌لرده‌کی آمریکا بیرلشمیش دؤولتلری عسگرلرینی چکمه قرارینی پنتاگونلا مشورت ائتمه‌دیگی ادعالارینا تپکی گؤستره‌ن هافمن،

"عکسینه، یانلیش خبرلره باخمایاراق باشقان، تورکییه‌نین حربی عملیاتی قارشیسیندا سوریه‌نین قوزئیینده‌کی وضعیت و آمریکا بیرلشمیش دؤولتلری عسگرلرینی قوروماق چابالارینا یؤنه‌لیک باخان (مارک) اسپر و باش قرارگاه رئیسی (ژنرال مارک) میلی ایله بو قونولاری دانیشدی" ایفاده‌لرینی ایشلتدی.

هافمن، آچیقلاماسین‌دا بئله دئدی:

"باخانلیق، ثابت‌لیگی تامین ائتمک اوچون ان یاخشی یولون سوریه‌ده گوونلی بؤلگه یاراتماق اولدوغو قونوسون‌داکی توتومونو هله ده قورویور. مع‌الاسف تورکییه  تک طرف‌لی آددیم آتماغی سئچدی. نتیجه اولاراق سوریه‌نین قوزئیینده‌کی آمریکا بیرلشمیش دؤولتلری عسگرلرینین گوونلیگینی تامین ائتمک اوچون تورکییه‌نین اولاسی مداخله یولون‌دان چکیلدیک. بو مرحله‌ده سوریه‌ده‌کی حربی وارلیق‌دا بیر دییشیک‌لیک یوخدور".



ایلگیلی‌لی خبرلر