سلوواکیا "میگ-29" دؤیوش طیارهلرینین اوچوشونو دایاندیردیغینی آچیقلادی
سلوواکیا حربی هاوا قوهلرینین قوموتانلیغی "میگ-29" قیریجی طیارهلرینین تعلیم اوچوشلارینین موقتی دایاندیریلماسی بارهده قرار وئریب.
سلوواکیا حربی هاوا قوهلرینین قوموتانلیغی "میگ-29" قیریجی طیارهلرینین تعلیم اوچوشلارینین موقتی دایاندیریلماسی بارهده قرار وئریب.
بونو دونن سلوواکیا مودافعه ناظیرلیگینین نمایندهسی دانکا ساپاکووا بیلدیریب.
دونن آخشام ساعاتلاریندا تعلیم اوچوشو زامانی طلاتا موراوجه شهری یاخینلیغیندا "میگ-29" قیریجی طیارهسینین قضایا اوغراماسی ایله علاقهدار بئله بیر قرار قبول ائدیلدیگی بیلدیریلیب.
ساپاکووا بو قرارین اؤلکهنین هاوا مکانینین تهلوکهسیزلیگینین تامین ائدیلمهسینه منفی تأثیر گؤسترمهیهجگینی سؤیلهییب.
قئید ائدک کی، قضایا اوغرایان "میگ-29"ون پیلوتو طیارهدن اؤزونو توللایا بیلیب. خستهخانایا یئرلشدیریلن پیلوتون حیاتی اوچون تهلوکه یوخدور.
ایلکین معلوماتا گؤره، "میگ-29" چنینده یئترینجه یاناجاق اولماماسی سببیندن قضایا اوغراییب. سلوواکیا مودافعه ناظیرلیگی هلهلیک بو وئرسیانی تصدیقه میر. قضانین آراشدیریلماسی اوچون خصوصی کمیسیون یارادیلیب.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب