روسیا‌داکی آمریکا‌لی جاسوس ایتکی کیمی آختاریلیر
روسیا ایچ ایشلر ناظیرلیگی، آمریکا اوچون روسیا پرزیدنت سارایی کرملین‌ده جاسوسلوق ائتدیگی ادعا ائدیلن اولئق سمولنکووون ایتکی کیمی آختاردیغینی بیلدیریب
روسیا ایچ ایشلر ناظیرلیگی، آمریکا اوچون روسیا پرزیدنت سارایی کرملین‌ده جاسوسلوق ائتدیگی ادعا ائدیلن اولئق سمولنکووون ایتکی کیمی آختاردیغینی بیلدیریب.
روسیا ایچ ایشلر ناظیرلیگین‌دن ائدیلن آچیقلامادا سمولنکووون آختارماسینا دایر پروسه‌نین و ایتکی مراجعتی‌نین کیم ائتدیگینه دایر بعضی آیرینتی‌لارین ایسه گیزلی ساخلانیلدیغی قئید ائدیلیب.
آمریکا یاییم تشکیلاتی سی.ان.ان، مسئله‌یه یاخین منبع‌لره اساسلاندیردیغی خبرینده، آمریکانین، بعضی کشفیات معلومات‌لارینی پیس ایداره ائتدیگی و بو سببله ده 2017ده روس رهبرلیگینده وظیفه‌لی بیر جاسوسو گئری چکدیگینی ایره‌لی سورموشدو.
سؤزقونوسو قرار، آمریکا پرزیدنتی دونالد ترامپین، می 2017ده روسیا خاریجی ایشلر ناظیری سئرگئی لاوروو و روسیانین واشینگتون‌داکی سفیری سئرگی کیسلیاک ایله کئچیردیگی توپلانتیدا، سوریه‌‌دکی داعش حاقیندا ایسرائیل‌دن آلدیغی کشفیاتی پایلاشماسی‌نین آردیندان آلینمیشدی.
آغ ائو سؤزچوسو استفانی گریشام، سی.ان.ان-ین خبرینه اعتراض گؤستره‌رک، "بو خبر ساده‌جه سهو اولماقلا قالمیر، عینی زاماندا کیمینسه حیاتینی دا تهلوکه‌یه آتیر". ایفاده‌سینی ایشلتمیشدی.
آمریکا مرکزی کشفیات ایداره‌سی سیا خالق ایله علاقه‌لر دیرکتورو بریتانی بارمل ده "سی.ان.ان-ین، سیا-نین اؤلوم-دیریم قرارلاری آلدیغینا دایر اوصلوبو، یانلیش". قیمتلندیرمه‌سینده ائتمیشدی.
کرملین سؤزچوسو دمیتری پسکوو ایسه "بئله بیر چالیشان واردی و قووولموشدو اما جاسوس اولوب اولمادیغینی بیلمیریک". دئمیشدی.
روسیا خاریجی ایشلر ناظیری سئرگی لاوروو دا سمولنکوو آدلی شخص گؤرمدیگینی و ایش حیاتین‌داکی اینکیشاف ائتمه‌لرینی و حرکت‌لرینی تعقیب ائتمدیگینی سؤیلمیشدی.
روسیا خاریجی ایشلر ناظیرلیگی سؤزچوسو ماریا زاخارووا ایسه سی.ان.ان خبری تبلیغات اولدوغونو قئید ائده‌رک، "ایتن سمولنکووون آمریکادا اولماسی باره‌ده معلومات وئریلمه‌سی اوچون بین الخالق کریمینال پولیس تشکیلاتی اینترپولا مراجعت ائتدیک". ایفاده‌لرینی ایشلتمیشدی.
ایلگیلی‌لی خبرلر
گونئی سودان‌دا وبا اپیدمیسی سببیندن 60 نفر اؤلوب
اوکتبرین 28-دن بری گونئی سودان‌دا وبا اپیدمیسی سببیندن 60 نفر اؤلوب.
