ترامپین سیغینماجی طلبینه عالی محکمه‌دن اونای
آمریکا یوکسک محکمه‌سی، باشقان دونالد ترامپ یؤنتیمی‌نین اؤلکه‌یه آلینان اورتا آمریکا‌لی سیغینماجی ساییسینا سینیرلاندیریلما گتیریلمه‌سی طلبینی اونای ائدیب
آمریکا یوکسک محکمه‌سی، باشقان دونالد ترامپ یؤنتیمی‌نین اؤلکه‌یه آلینان اورتا آمریکا‌لی سیغینماجی ساییسینا سینیرلاندیریلما گتیریلمه‌سی طلبینی اونای ائدیب.
عالی محکمه طرفین‌دن آلینان سؤزقونوسو قرار، هوندوراس، گواتمالا و السالوادور کیمی اؤلکه‌لردن موحاجیر آلینماسینا مانع اولاجاغی سؤزو وئرن ترامپ اوچون غلبه کیمی آدلاندیریلدی.
همچینین قرارا اساساً، اورتا آمریکا اؤلکه‌لرینده یاشایان آنجاق ایکینجی بیر اؤلکه اوزرین‌دن آمریکایا گیریش ائده‌رک سیغینا‌جاق ایستگی اولان کؤچکون‌لرین ده رد ائدیله‌جگی قئید ائدیلیب.
قرارا دایر سئوینجینی سوسیال مئدیا حسابی توئیتردن پایلاشان ترامپ،
سینیر سیغینا‌جاق وئریلمه‌سینده بؤیوک بیر آمریکا عالی محکمه‌سی علیمی"! ایفاده‌لرینی ایستیفاده ائتدی.
پرزیدنت‌لیک کامپانیاسی دؤورونده آمریکایا آپاران سیغینا‌جاق و کؤچمن آخینینی بؤیوک اؤلچوده بیتیره‌جگی سؤزو وئرن ترامپ، مرکزی و جنوبی آمریکا‌دان گلن کؤچم‌لری مکزیک سرحدینده ساخلانما قراری آلمیشدی.
بو قرارین آمریکا قانون‌لارینا و اینسان حاق‌لارینا ضد اولدوغو موذاکیره ائدیلرکن، فدرال عالی محکمه‌سی، ترامپین سیغینا‌جاق وئریلمه‌سی مراجعتی ائدن کؤچمن‌لری مکزیک‌ده ساخلانماسی‌نین قانونا اویغون اولدوغونا قرار وئردی.
عالی محکمه‌نین یئنی قراری ایله سؤز قونوسو اؤلکه‌لردن کؤچمن و قاچقین قبولوندا بؤیوک بیر آزالما باش وئره‌جک.
