پومپئو: گئری سایان بیر ساعاتیمیز وار

"ایرانین ترور رژیمینی گوجلندیرمه توتومونو محدودلاشدیرماق اوچون زامان دارالیر"

1255736
پومپئو: گئری سایان بیر ساعاتیمیز وار

آمریکا بیرلشمیش دؤولتلری خاریجی ایشلر باخانی مایک پومپئو، اورتادوغوداکی "اسکی پروبلئملرین" حلی اوچون "یئنی فیکیرلره" احتیاج دویولدوغونو ایفاده ائتدی.

بیرلشمیش میللتلر تشکیلاتینین گوونلیک شوراسیندا اورتادوغوداکی گلیشمه‌لرین موذاکیره ائدیلدیگی توپلانتییا قاتیلان پومپئو، بورادا ائتدیگی دانیشمادا، تئز تئز هدف آلدیغی ایرانین نوکلئر آنلاشمایا باغلی پوزونتولارینی و هرمز بوغازیندا ساخلادیغی گمیلری سایدی.

 ایرانی سوریه، عراق، یمن و لبناندا ترور و قاریشیق‌لیق یاراتماقلا سوچلایان پومپئو،

"بیرلشمیش میللتلر گوننلیک شوراسینین اکتبر ۲۰۲۰ده بیته‌جک ایرانا قارشی سلاح تحریمی و (ایران اینقیلاب گؤزتچیلری اوردوسونا باغلی قدس گوجو باشچیسی) قاسیم سلیمانی‌یه سیاحت محدودیتلرینی یاخین‌دان ایزله‌ییریک. بوتون دونیا دا تعقیب ائده‌بیلیر. خاریجی ایشلر باخانلیغینین سایتین‌دا ایران ایله ایلگیلی بؤلومده گئری ساییم ائد‌ن بیر ساعاتیمیز وار. ایرانین ترور رژیمینی گوجلندیرمه توتومونو محدودلاشدیرماق اوچون زامان دارالیر. اولوسلارآراسی توپلومون ایران سربست قالدیغین‌دا یاراداجاغی یئنی قاریشیقلیغی گؤرمک و بونو انگلله‌مک اوچون یئتری قدر واختی وار" دئدی.

سوریه، یمن، لیبی و ایران پروبلئمینین حلی اوچون ده اورتادوغودا بؤیوک بیر ایش بیرلیگی لازیم اولدوغونو بیلدیرن پومپئو، اسکی پروبلئملرین حلی اوچون یئنی فیکیرلره احتیاجیمیز وار" دئیه دانیشدی. توپلانتی سونراسی ژورنالیستلره دانیشان پومپئو، ایراندان سوریه‌یه خام نفت داشیدیغی ادعا ائدیله‌ن تانکرله ایلگیلی بیر سوالا ایسه، آمریکا بیرلشمیش دؤولتلرینین ایرانین سوریه‌یه نفت گؤندرمه‌سینی انگلله‌مک اوچون تحریملر چرچیوه‌سین‌ده هر جور آددیمی آتاجاغی جاوابینی وئردی.



ایلگیلی‌لی خبرلر