مادورو امریکا ایله دانیشیق‌لار آپاردیق‌لارینی تصدیق ائتدی
ونزوئلانین دؤولت باشچی‌سی نیکولاس مادورو حکومتی‌نین آیلاردیر امریکا پرزیدنتی دونالد ترامپین یوکسک وظیفه‌لی شخص‌لری ایله علاقه ساخلادیغینی تصدیقله‌دی.
ونزوئلانین دؤولت باشچی‌سی نیکولاس مادورو حکومتی‌نین آیلاردیر امریکا پرزیدنتی دونالد ترامپین یوکسک وظیفه‌لی شخص‌لری ایله علاقه ساخلادیغینی تصدیقله‌دی.
نیکولاس مادورو بونو لا گوایرا شهرینده بیر تدبیرده چیخیش ائدرکن بیلدیردی.
مادورو چیخیشیندا حکومتی ایله امریکا آراسیندا گیزلی دانیشیق‌لارلا علاقه‌دار اولا‌راق:"دونالد ترامپ حکومتی ایله منیم رهبرلیک ائتدیگیم بولیوارچی حکومتی آراسیندا قوزیی امریکا ایمپئریاسی ایله آرامیزداکی موناقیشه‌نین حلینی تاپماق اوچون بیر نئچه آیدیر کی، دانیشیق‌لار آپاریلیر. سیزه بیر سیرر سؤیله‌مک ایستییرم، بونو منیم اوچون ساخلایین، چونکی گیزلی یئرلرده هئچ کیمین بیلمه‌مه‌سی اوچون گیزلی دانیشیق‌لار آپاریلدی. البته کی، علاقه ساخلاییریق و علاقه ساخلاماغا داوام ائدجییک" دئدی.
پرزیدنت مادورو هر زامان ونزوئلانین اگمنلیگینی مودافعه ائدجگینی وورغولایا‌راق:"امریکا پرزیدنتی ترامپ بیر گون جدی دانیشیق‌لار آپارماق و بو موناقیشنی تنظیم لمک اوچون بیر پلان قورماق ایسته‌سه، بیز موذاکیره‌له و حل یول‌لاری‌نین آختاریشینا هر زامان حاضیریق. آنجاق بیزه هوجوم ائتسه‌نیز، جاواب وئرجییک" دئدی.
مادورو بعضی امریکا رسمی‌لری‌نین ترامپا ونزوئلا حاقیندا یالان معلومات‌لار وئردیک‌لرینی و بو وضعیتده ونزوئلایا هوجوم و تحریم لرین تطبیق ائدیلدیگینی سؤزلرینه علاوه ائتدی.
دیگر طرف‌دن، اؤتن گون ونزوئلا حکومتی‌نین ایکینجی شخصی اولا‌راق تانینان قوروجو مجلیسین صدری دیوسدادو جابلو ترامپ رهبرلیگینه یاخین اولان بیری ایله گیزلی دانیشیق‌لارین آپاریلماسی ادعا‌لارینی تکذیب ائتمیشدی.
بو آرادا، امریکا پرزیدنتی دونالد ترامپ کئچیردیگی مطبوعات کنفرانسیندا مادورو حکومتی ایله گؤروش‌لر باره‌سینده وئریلن سوالا: "علاقه ساخلاییریق، ونزوئلا-داکی موختلیف نماینده‌لرله گؤروشوروک" دئیه جاواب وئرمیشدی.
ایلگیلی‌لی خبرلر
ساکی: ایرانین جاوابی بیزی مایوس ائتدی
"معنالی بیر دیپلوماسییه داوام ائده‌جییک و هر مرحله‌ده اورتاقلاریمیزلا ارتباط حالیندا اولاجاغیق"
