روسیا: "ونزوئلا-یا قارشی تحریم لر دایاندیریلمالیدیر"
روسیا خاریجی ایشلر ناظیرلیگینین سؤزچوسو ماریا زاخاروا ونزوئلانین امریکا-داکی بوتون آکتیولرینین دوندورولماسینی "ایقتیصادی تروریزم" اولاراق سجیلندیردی.
روسیا خاریجی ایشلر ناظیرلیگینین سؤزچوسو ماریا زاخاروا ونزوئلانین امریکا-داکی بوتون آکتیولرینین دوندورولماسینی "ایقتیصادی تروریزم" اولاراق سجیلندیردی.
زاخاروا: "ونزوئلا حکومتینه قارشی تحریم لر سئلی دایاندیریلمالیدیر" دئدی.
بو بارهده معلومات روسیا خاریجی ایشلر ناظیرلیگینین سایتیندا یاییلدی.
معلوماتا گؤره، ماریا زاخاروا امریکا پرزیدنتی دونالد ترامپین ونزوئلانین امریکا-داکی بوتون آکتیولرینین دوندورولماسینا دایر پرزیدنت فرمانینی ایمضالاماسینی تنقید ائدیب.
زاخاروا، امریکا استراتژیست لرینین ونزوئلانین قانونی پرزیدنتی نیکولاس مادورویا خالق دستکینی نظره آلمادیقلارینی، واشینگتن-ون ونزوئلا-دا حاکمیتی اله کئچیرمک اوچون چوخ سایلی حربی جهدلردن سونرا اؤلکهدکی سوسیال-ایقتیصادی وضعیتین گرگینلشمهسینه اومید ائتدیگینی سؤیلهییب.
خاریجی ایشلر ناظیرلیگینین سؤزچوسو ونزوئلا خالقینین، خصوصاً خسته و قوجالارین امریکانین "قددار تحریم لریندن تاثیرلندیگینی قئید ائدهرک:"متخصصلرین فیکرینجه، امریکانین تحریم لری اوزوندن ونزوئلا-دا 40 میندن چوخ اینسان اؤلوب. اینسانلارین یئگانه گوناهی واشینگتن-ون ایستمهدیگی لیدره دستک وئرمکدیر" دئییب.
زاخارووا روسیانین ونزوئلا-یا تطبیق اولونان تحریم لره قارشی اولدوغونو وورغولایاراق: "امریکا ونزوئلانین قانونی رهبرلیگینه ایقتیصادی تروریزمی داوام ائتدیریر. ونزوئلا رهبرلیگینه قارشی تحریم لر سئلی دایاندیریلمالیدیر" دئیه بیلدیریب.
خاطیرلاداق کی، اؤتن گون امریکا پرزیدئنتی دونالد ترامپین ایمضالادیغی فرمان ایله ونزوئلانین امریکا-داکی بوتون آکتیولری دوندورولوب، امریکانین کاراکاسدان ایقتیصادی عملیاتلاری تامامیله دایاندیریلیب.
امریکا رهبرلیگی ونزوئلا پرزیدنتی نیکولاس مادورونون قانونی حاکمیتینی قبول ائتمیر و ژانویه آییندا اؤزونو موقتی دؤولت باشچیسی اعلان ائدن پارلامئنت صدری خوان گوایدونون باشچیلیق ائتدیگی موخالیفلری آچیق شکیلده دستکلییر.