بمت امریکا-دا اعدام جزا‌لاری‌نین تطبیقینه رئاکسیا گوستردی
2003 -جو ایلدن بو یانا ایلک دفعه اولا‌راق امریکانین عدالت ناظیرلیگی اؤلوم حؤکمو وئریلن محکوم‌لارین اعدام جزاسی‌نین ایجرا ائدیله جگینی آچیقلاییب.
2003 -جو ایلدن بو یانا ایلک دفعه اولا‌راق امریکانین عدالت ناظیرلیگی اؤلوم حؤکمو وئریلن محکوم‌لارین اعدام جزاسی‌نین ایجرا ائدیله جگینی آچیقلاییب.
عدالت ناظیرلیگیندن وئریلن و عدالت ناظیری اویلیام بارین سؤزلرینه ایستیناد ائدیلن معلوماتدا یازیلیر:
"اعدام سیاهی‌سیندا اولان و اوشاق اؤلدورمک ماده‌سیله تقسیرلی بیلینن 5 محکوم اوچون فدرال جزا ایجرا قوروم‌لارینا تاپشیریق گؤندریلدی. حؤکم‌لر دسامبر آییندان اعتباراً 6 هفته عرضینده ایجرا ائدیله‌جک.
عمومیتله، اعدام سیاهی‌سیندا اولان 62 محکومون دا اؤلوم حؤکم‌لری ایجرا اولونا‌جاق.”
بیرلشمیش میللت‌لر تشکیلاتی باش کاتیب‌لیگی‌نین سؤزجوسو فرحان حق فدرال حکومتین اعدام جزا‌لاری‌نین تطبیقینه رئاکسیا گؤستره‌رک بیلدیریب: "دونیانین هاراسیندا اولورسا اولسون، بمت اؤلوم جزاسی‌نین تطبیقینه قارشی‌دیر و بوتون اؤلکه‌لر اعدام‌لاری حیاتا کئچیرمه‌یه قطعی شکیلده سون قویما‌لی‌دیر".
قئید ائدک کی، امریکانین حال-حاضردا 29 ایالتینده اعدام جزاسی تطبیق اولونور و فدرال قانون‌لارا گؤره، اؤلوم‌لر "pentobarbital" آدلی زهرلی یگنه واسطه‌سیله ایجرا ائدیلیر.
خاطیرلاداق کی، امریکادا فدرال محکمه‌لر اؤلوم جزاسی وئرمه‌یه داوام ائتسه ده، 2003-جو ایلدن اعدام‌لار ایجرا اولونموردو.
