امریکا ایران‌دان نفت آلان چین شیرکتینی تحریم ائتدی

امریکانین خزینه ناظیرلیگی چین نفت شیرکتی " ژوهی ژن رانگ" و ایجراچی دیرئکتورو یومین لی‌نین ایران‌دان نفت آلماغا داوام ائتدیگینی ادعا ائتدی و بو سبب‌دن شیرکتی و ایجراچی دیرئکتورو تحریم سیاهی‌سینا سالدی.

1241022
امریکا ایران‌دان نفت آلان چین شیرکتینی تحریم ائتدی

امریکانین خزینه ناظیرلیگی چین نفت شیرکتی " ژوهی ژن رانگ" و ایجراچی دیرئکتورو یومین لی‌نین ایران‌دان نفت آلماغا داوام ائتدیگینی ادعا ائتدی و بو سبب‌دن شیرکتی و ایجراچی دیرئکتورو تحریم سیاهی‌سینا سالدی.

امریکا خزینه ناظیرلیگی‌نین خاریجی فوندلارا نظارت اوفی‌سی (OFAC) تحریم تطبیق اولونان چین نفت شیرکتی " ژوهی ژن رانگ" و رهبرلری‌نین آدلارینی آچیقلادی.

آچیقلامادا سؤزوگئدن شیرکته و ایجراچی دیرئکتورو یومین لیه امریکانین نظارتینده اولان دولار، بانک و یا املاک عملیات‌لاری‌نین قاداغان ائدیلدیگی بیلدیریلیر.

قئید ائدک کی،1994-جو ایلده قورولان " ژوهی ژن رانگ" نفت شیرکتی‌نین ایران ایله گوج‌لو بیر علاقه‌سی وار و ایران خام نفتی‌نین چینه صادر ائدیلمه‌سینی تامین ائدن ان بؤیوک شیرکت‌لرین‌دن بیری‌دیر.

خاطیرلاداق کی، امریکا 2015-جی ایلین می آییندا ایمضا‌لانان اتم موقاویله‌سینی 8 می 2018-جی ایلده بیرطرف‌لی شکیلده لغو ائدیب و ایرانین نفت صادراتینی هدف آلان تحریم لرین تطبیقینه باشلاییب.

داها سونرا ایرانلا نفت تیجارتی ائدن بوتون اؤلکه‌لردن تیجارت‌لرینی معین بیر زاماندا دایاندیرما‌لارینی طلب ائدن امریکا رهبرلیگی تیجارته داوام ائدن اؤلکه و شیرکت‌لره ده تحریم تطبیق ائتمه‌یه باشلاییب.

چین ایسه ایلک مرحله‌ده بو تحریم لره قارشی چیخا‌راق، نفت تیجارتینه داوام ائدجگینی آچیقلامیشدی، لاکین داها سونرا واشینگتن-دان گلن تحریم لر سببیندن ایران‌دان نفت آلیمینی مرحله‌لی اولا‌راق آزالتمیشدی.

بونا باخمایا‌راق، ایران‌دان نفت وارداتینی تامامیله کسمه‌ین چین امریکانین تحریم آچیقلاماسیندان بو یانا ایلک دفعه اؤتن آی ایران‌دان بؤیوک میقداردا خام نفت وارد ائتمیشدی.



ایلگیلی‌لی خبرلر