بوریس جانسون اینگیلتره‌نین یئنی باش ناظیری اولدو
اینگیلتره‌ده محافظه کار پارتی سینده لیدرلیگینه سئچیلن بوریس جانسون اؤلکه‌نین یئنی باش ناظیری اولدو.
اینگیلتره‌ده محافظه کار پارتی سینده لیدرلیگینه سئچیلن بوریس جانسون اؤلکه‌نین یئنی باش ناظیری اولدو.
جانسون پست واسیطه‌سیله کئچیریلن سس وئرمه زامانی رقیبی جرمی هانتی اوسته‌له‌یه‌رک 46656 سسه قارشی 92،153 سسله غالیب گلدی.
بئله‌لیکله حاکمیت‌دکی پارتی نین لیدرلیک پوستونو توتان جانسون همین زاماندا اؤلکه‌نین یئنی باش ناظیری اولدو.
جانسون نتیجه‌لرین آچیقلانماسیندان سونرا ائتدیگی چیخیشدا دئدی کی، "برگزیت"ی حیاتا کئچیرمه، اؤلکه‌نی بیرلشدیرمه، ایشچی پارتی‌نین لیدرینی مغلوب ائتمه زامانی‌دیر.
یئنی باش ناظیر اؤز اؤلکه‌سی‌نین اوکتبرین 31-ده حتی راضیلاشما اولما‌دان دا آوروپا بیرلیگینی ترک ائدجگینی بیان ائدیب. حاضیرکی ناظیرلرین بیر نئچه‌سی اونون سئچیله جگی تقدیرده کابینه‌نی ترک ائده‌جک‌لرینی بیان ائدیبلر.
صاباح باکینگهام ساراییندا باش ناظیر صلاحیت‌لرینی آلدیق‌دان سونرا یئنی حکومت باشچی‌سی کابینه‌نی فورما‌لاش‌دیرا‌جاق.
ایلگیلی‌لی خبرلر
اینگیلتره-ده پاندمی ایله علاقه‌دار محدودیت‌لر 19 ژوئیه‌ده لغو اولونا‌جاق
بو قراری بؤیوک بریتانیانین باش ناظیری بوریس جانسون لندون-دا کئچیردیگی مطبوعات کنفرانسیندا آچیقلاییب.
ناتو ذیروه‌سی باشلادی
تورکیه‌نی جمهورباشقانی رجب طیب اردوغانین تمثیل ائتدیگی ییغینجاغا ۳۰ متفق اؤلکه‌نین لیدئری قاتیلیر
