اتیوپی-ده پولیس ایله اعتراضچیلار آراسیندا توققوشمادا ان آزی 25 نفر اؤلوب

اتیوپی-نین گونئی ینده پولیس ایله اعتراض چیلار آراسیندا باش وئرمیش توققوشمادا ان آزی 25 نفرین اؤلدوگو بیلدیریلیر.

معلوماتا گؤره، پولیس سیداما بؤلگه‌سینده اعتراض آکسیاسی کئچیرن اینسان‌لارا آتش آچیب. آکسیادا عینی آدلی اتنیک قروپ اؤلکه‌نین داخیلینده اونلارا فدرال ایستاتوس وئریلمه‌سینی طلب ائدیب. اعتراض چیلار بو مسئله ایله علاقه‌دار رفرندوم کئچیریله جگینه دایر حکومتین وعدی‌نین یئرینه یئتیریلمه‌دیگینی بیلدیریب‌لر.

بیلدیریلیر کی، سیداما اتیوپی-نین بئشینجی اتنیک قروپودور و اؤلکه اها‌لی‌سی‌نین جمعی 4 فایزینی تشکیل ائدیر. قالان دؤرد اتنیک قروپ اتنیک زمینده فورمالاشمیش فدرال سیستمین ترکیبینه داخیل‌دیر.

بی بی سی-نین خبرینده قئید اولونور کی، اتیوپی-نین غیری -حکومت تشکیلات‌لاری و موخالیفت قروپ‌لاری اؤلن‌لرین سایی‌نین داها چوخ – 60 نفر اولدوغونو بیلدیریرلر. لاکین رسمی منبع‌لر بونو تکذیب ائدیر و هاواسا شهرینده جمعی دؤرد نفرین اؤلدوگونو، 26 آدامین ایسه یارالاندیغینی قئید ائدیرلر.