استولتنبرگ، تورکیه ایله ایش بیرلیگی‌نین اف-35لردن چوخ داها گئنیش اولدوغونو دئدی

کولورادو ایالتینده کئچیریلن ایللیک امنیت کونفرانسینا قاتیلان استولتنبرگ، تورکیه‌نین، روسیا‌دان اس-400 قبول پروسه‌سینی یاخین‌دان تعقیب ائتدیک‌لرینی و مسئله علاقه‌دار اورقان‌لار آراسیندا دانیشدیق‌لارینی دانیشیب

1237696
استولتنبرگ، تورکیه ایله ایش بیرلیگی‌نین اف-35لردن چوخ داها گئنیش اولدوغونو دئدی

ناتو باش کاتیبی ینس استولتنبرگ، تشکیلاتین تورکیه ایله ایش بیرلیگی‌نین اف-35لردن چوخ داها احاطه‌لی اولدوغونو دئدی.

آسپن اینستیتوسو طرفین‌دن آمریکانین کولورادو ایالتینده کئچیریلن ایللیک امنیت کونفرانسینا قاتیلان استولتنبرگ، تورکیه‌نین، روسیا‌دان اس-400 قبول پروسه‌سینی یاخین‌دان تعقیب ائتدیک‌لرینی و مسئله علاقه‌دار اورقان‌لار آراسیندا دانیشدیق‌لارینی دانیشیب.

استولتنبرگ،

نه نوعو ساوونما سیستم‌لرینی آلا‌جاق‌لارینا هر بیر اؤلکه اؤزو قرار وئریر. اما ناتو اوچون اهمیت‌لی اولان شئی (بو سیستم‌لرین ناتو سیستم‌لریله) اویغون ایشله‌ییب ایشلممه‌سی‌دیر". ایفاده‌سینی ایستیفاده ائتدی.

استولتنبرگ عینی زاماندا، "تورکیه‌نین آلدیغی اس-400 سیستم‌لری ناتو-نون هاوا ساوونما سیستمینه اینتگراسیون اولمایا‌جاق چونکی بون‌لار بیر آرادا چالیشابیلن سیستم‌لر دئییل. اونسوز دا تورکیه ده بئله بیر طلبده اولمادی". قیمتلندیرمه‌سینی کئچیریب.

تورکیه‌نین ناتویا کؤمک و ناتونون تورکیه ایله ایش بیرلیگی، اف-35لردن چوخ داها درین و احاطه‌لی‌دیر. "دئین استولتنبرگ، داعش ایله موباریزه‌ده آچار بیر موتتفیق اولان تورکیه‌نین عینی بالکان‌لار، کوسوواوا افغانیستاندا بیر چوخ ناتو عملیات‌لارینا قاتقی وئردیگینی بیلدیریب.

استولتنبرگ،

"بیر ناتو موتتفیقی کیمی تورکیه، اس-400دن چوخ داها چوخ دگرلیدیر. تورکیه ناتو-نون هاوا ساوونما سیستمی‌نین اینتگراسیون بیر پارچاسی، بئله اولماغا دا داوام ائده‌جک". دئیه دانیشدی.

تورکیه‌نین آمریکادان پاتریوت سیستم‌لری و یا ایتالیا-فرانسا اورتاق‌لیغی یوروسام‌دان موشک سیستم‌لرینی آلماق مقصدیله بیر سیرا گؤروشمه‌لرینی داوام ائتدیردیگینی ده قئید ائدن استولتنبرگ، بو گؤروشمه‌لرین اؤنمینی قئید ائتدی.



ایلگیلی‌لی خبرلر