اورسولا فون درلاین آوروپا کمیسیونون صدری سئچیلیب

آلمانیانین سابیق مودافعه ناظیری  اورسولا فون درلاین آوروپا بیرلیگی کمیسیونونون صدری سئچیلیب.

خانیم اورسولا فن درلاین ین  نامیزدلیگینه آوروپا پارلامئنتی میللت وکیل لرینین یاری‌دان چوخو – 383 نفر سس وئریب. میللت وکیل لریندن 327-سی اونون علیهینه سس وئریب، بیر رای ایسه اعتبارسیز ساییلیب.

آوروپا بیرلیگی کمیسیونونون یئنی صدری نوامبرین 1-دن اؤز وظیفه‌لری‌نین ایجراسینا باشلایا‌جاق. محض همین گون حاضیرکی باشقان ژان کلود یونکرین صلاحیت مودتی باشا چاتیر. لاکین آوروپا بیرلیگی کمیسیونونون یئنی صدری ایندی‌دن 2019-2024-جو ایللر اوچون کمیسیونون یئنی ترکیبی‌نین فورمالاشدیریلماسینا باشلاما‌لی‌دیر. آوروپا بیرلیگینه عضو دؤولت‌لرین هر بیری آوروپا کمیسیونو پوستو اوچون بیر نامیزد ایره‌لی سورمه‌لی‌دیر. بون‌دان سونرا آوروپا پارلامئنتی پاییز آیلاریندا اونلارین صلاحیت‌لرینی تصدیق ائده‌جک.