امریکا گنج‌لری‌نین آز قالا یاری‌سی سوسیالیست بیر اؤلکه‌ده یاشاماق ایستییر

سورغونون نتیجه‌لرینده 1997 -2012 ایللرده دوغولان "ز" نسلی‌نین 49،6 فایزی‌نین حیات‌لارینی سوسیالیست بیر اؤلکه‌ده داوام ائتدیرمک ایسته‌دیگی آشکار ائدیلیب.

1236893
امریکا گنج‌لری‌نین آز قالا یاری‌سی سوسیالیست بیر اؤلکه‌ده یاشاماق ایستییر

"The National Interest "ین یایدیغی خبره گؤره، آراشدیرما شیرکتی " Harris Poll"ون کئچیردیگی سورغونون نتیجه‌لرینده 1997 -2012 ایللرده دوغولان "ز" نسلی‌نین 49،6 فایزی‌نین حیات‌لارینی سوسیالیست بیر اؤلکه‌ده داوام ائتدیرمک ایسته‌دیگی آشکار ائدیلیب.

نتیجه‌لری‌نین " Axios"خبر سایتیندا وئریلدیگی سورغو گنج آمریکا‌لی‌لارین 73،2  فایزی‌نین حکومتین اونیورسال ساغلیق خیدمتینی تامین ائتمه‌سی، اوچ ده ایکی‌سی‌نین ده اونیورسیته لرده تحصیل حاقی‌نین دؤولت طرفیندن اؤدنمه‌سی فیکری‌نین طرفداری اولدوغونو اورتایا چیخاریب.

امریکادا هم "ز"، هم ده 1981-1996-جی ایللرده آنا‌دان اولموش "ی" نسلی‌نین 43،1 فایزی‌نین امریکا کوچمنلیک و گؤمروک محافظه تشکیلاتی‌نین لغو ائدیلمه‌سینی دستکلدیگی قئید ائدیلیب.

"Axios "-ون مؤلف‌لرین‌دن بیری اولان Stef W. Kight سورغونون نتیجه‌لرینی بئله قیمتلندیریب: "گنج‌لرین سیاسی باخیش‌لاری یاشا دولدوقجا تئز-تئز دییشیر، لاکین سوسیالیست سیاست‌لره دستک‌لری سیاستین کئچمیش قایدا‌لاری‌نین سرعتله دییشدیگی‌نین ایشاره‌سی‌دیر".



ایلگیلی‌لی خبرلر