سودان-دا یئنی دؤولت چئوریلیشی جهدی‌نین قارشی‌سی آلیندی

سودان حربی کئچید شوراسی اؤلکه‌ده یئنی بیر دؤولت چئوریلیشی جهدی‌نین قارشی‌سی‌نین آلیندیغینی و تشببوسون باشیندا دوران‌لارین یاخالاندیغینی بیلدیردی.

1234828
سودان-دا یئنی دؤولت چئوریلیشی جهدی‌نین قارشی‌سی آلیندی

سودان حربی کئچید شوراسی اؤلکه‌ده یئنی بیر دؤولت چئوریلیشی جهدی‌نین قارشی‌سی‌نین آلیندیغینی و تشببوسون باشیندا دوران‌لارین یاخالاندیغینی بیلدیردی.

سودان حربی کئچید شوراسینا تابع اولان تهلوکه‌سیزلیک و مودافعه کومیته‌سی‌نین صدری، ژنرال جمال عمر سودان دؤولت تلویزیونوندا یاییم‌لانان آچیقلاماسیندا سلاح‌لی قوه‌لر و کشفیات تشکیلاتیندا ایشله‌ین و امکلی اولان حربچی‌لردن عبارت قروپون چئوریلیش جهدی حیاتا کئچیردیک‌لرینی، تشببوسون باشیندا دوران‌لاردان 7-سینین سلاح‌لی قوه‌لرده خیدمت ائتدیک‌لرینی بیلدیردی. جمال عمر بون‌لارلا بیرلیکده 12 ظابط و 4 گیزیرین نظارته گؤتورولدوگونو قئید ائتدی.

ژنرال عمر قارشی‌سی آلینان یئنی دؤولت چئوریلیشی جهدی‌نین موخالیفتین یاراتدیغی چتیر قورولوشو اولان آزادلیق و دییشیک‌لیک بیاننامه‌سی قوه‌لری ایله الده اولونا‌جاق یئکون موقاویله‌یه ضربه ائندیرمگی قارشی‌سینا مقصد قویدوغونو ایفاده ائتدی.

سودان حربی کئچید شوراسی‌نین سؤزچوسو شمس الدین کئب‌باشی ژوئن آییندا دا بیر قروپ عسگر و سیاستچی‌نین ایشتیراکی ایله چئوریلیش جهدی حیاتا کئچیریلدیگینی آچیقلامیشدی.



ایلگیلی‌لی خبرلر