قطر ایله امریکا آراسیندا امکداشلیغا دایر بئش موقاویله ایمضالانیب

قطر امریکادان "پاتریوت" راکت سیستمی آلا‌جاق.

1233421
قطر ایله امریکا آراسیندا امکداشلیغا دایر بئش موقاویله ایمضالانیب

امریکا پرزیدنتی دونالد ترامپ ایله قطر امیری شیخ تمیم بن حمد بن خلیفه آل ثانی آراسیندا باش توتان گؤروشده ایکی اؤلکه آراسینداکی ایقتیصادی و حربی امکداشلیغین گوجلندیریلمه‌سی مسئله‌سی‌‌نین قیمتلندیریلدیگی بیلدیریلیب.

قطر امیری شیخ تمیمی آغ ائوده قبول ائدن دونالد ترامپ ایکی اؤلکه آراسینداکی موناسیبت‌لرینی قیمتلندیریب.

شیخ تمیمی "گئرچک لیدر" آدلان‌دیران دونالد ترامپ ایکی اؤلکه آراسینداکی موناسیبت‌لرین چوخ یاخشی سویه‌ده اولدوغونو دئییب.

قطرین امریکایا جدی سرمایه‌لر یاتیردیغینی بیلدیرن ترامپ دئییب:" قطرده حربی موجودلوغوموزو داوام ائتدیریریک. دونیا‌داکی ان بؤیوک حربی بازا‌لاردان بیرینی اینشا ائتدی‌لر. سیزینله ایشلمک حقیقتن بؤیوک بیر شرف‌دیر".

قطر امیری ده ترومپا گؤستردیگی دقته گؤره تشککور ائده‌رک بیلدیریب کی، ایکی اؤلکه آراسینداکی ایقتیصادی طرفداش‌لیق 185 میلیارد دو‌لاری کئچیب. بونو آرتیرماغی پلان‌لاش‌دیریریق.

شیخ تمیم امریکانین کؤرفزدکی ان مهم حربی بازالاریندان‌ بیری اولان ‘‘ئل-اودئید’’ هربی هاوا بازاسینا باش چکمسی اوچون ترامپی قتره دعوت ائدیب.

آغ ائو ترامپ ایله شئیخ تمیمین 5 موقاویله‌یه ایمضا آتیلدیق‌لارینی آچیقلاییب.

موقاویله‌لر چرچیوه‌سینده قطر امریکا-دان   5 Boeing 777 ‘’Freighters’’  طیارلری ایله یاناشی، ناسام و پاتریوت راکت سیستم‌لری ده آلا‌جاق.



ایلگیلی‌لی خبرلر