امریکا-لیلارین 47 فایزی ترامپی دستکییر

امریکا-دا 2020-جی ایل پرزیدنت سئچکی‌لری یاخینلاشدیغی بیر زاماندا پرزیدنت دونالد ترامپین جمعیت‌دکی دستک نیسبتی‌نین پرزیدنت وظیفه‌سینی ایجرا ائتدیگی مودت عرضینده ان یوکسک سویه‌یه چیخدیغی بیلدیریلدی.

امریکانین واشینگتن پست قزئتی و ای بی سی نیوز کانا‌لی‌نین بیرگه کئچیردیگی سورغودا سئچیجی‌لرین 47 فایزی‌نین ترامپین گؤردوگو ایشلری تقدیر ائتدیگی اورتایا چیخدی.

سورغویا گؤره، سئچیجی‌لرین 65  فایزی ترامپین پرزیدنت‌لیک وظیفه‌سینه اویغون اولمادیغینی ایفاده ائدیب‌لر. امریکا پرزیدنتی‌نین ان چوخ ایقتیصادیات ساحه‌سیندکی آتدیغی آددیم‌لارینا گؤره دستک آلدیغی معین اولوندو.

ایشتیراکچی‌لارین بؤیوک اکثریتی‌نین کوچمنلیک، ساغلیق سیستمی، قادین حاق‌لاری، کورتاژ، ایقلیم دییشیک‌لیگی، خاریجی سیاست و سلاح‌لارا نظارتی کیمی مسئله‌لرده ترامپا قارشی چیخماسی دا دقت چکدی.

سورغونون 28 ژوئن - 1 ژوئیه تاریخ‌لری آراسیندا 1008 یئتکین سئچیجی‌نین ایشتیراکی ایله کئچیریلدیگی و سهو پایی‌نین 3،5 فایز اولدوغو بیلدیریلدی.

بونونلا برابر، ترامپا قارشی آرتان دسته‌یه باخمایا‌راق، اونون 2020-جی ایل پرزیدنت سئچکی‌لرینده چتین‌لیک چکجیی و ایکینجی دفعه پرزیدنت سئچیلمه‌سی‌نین گارانتی اولمادیغی وورغولاندی.

حاضردا ترامپ‌دان 14 فایز گئری قالان سابیق باشقان یاردیمجیسی جو بایدن قارشیدا بو فرقی آرا‌دان قالدیرماسی‌نین مومکون اولدوغو قئید ائدیلدی.