ترامپ: دقتلی اول ایران!
"او تهدیدلر داها اؤنجه هئچ اولمادیغی قدر قاییدیب یئنه سنه ضرر وئرهبیلر"
آمریکا بیرلشمیش دؤولتلرینین پرزیدنتی دونالد ترامپ، ایرانین زنگینلشدیریلمیش اورانیم رزروی قونوسونداکی سون آدیمینا بیر داها تپکی گؤستردی.
ترامپ، تویتردن وئردیگی آچیقلاماسیندا،
"ایران یئنی بیر اویاری یاییملادی. روحانی، اگر یئنی بیر نوکلئر آنلاشما یوخسا زنگینلشدیریلمیش اورانیوم میقدارینی ایستدیکلری میقداردا آرتیراجاقلارینی دئییر. ائتدیگین تهدیدلر مسئلهسینده دقتلی اول ایران؛ او تهدیدلر داها اؤنجه هئچ اولمادیغی قدر قاییدیب یئنه سنه ضرر وئرهبیلر" ایفادهلرینی ایشلتدی.
ایران یؤنتیمی هفته باشیندا، زنگینلشدیریلمیش اورانیم محدودیتینی نوکلئر آنلاشمادا گؤستریلهن ۳۰۰ کیلوگرام رزرو محدودیتینین اوزرینه چیخاردیغینی بیلدیرمیشدی.
ایرانین یاری رسمی خبر آژانسی فارسین خبرینده، تهران رهبرلیگینین یوزده ۳،۶۷ زنگینلشدیریلمیش اورانیم سویهسینی نوکلئر آنلاشمادا معین ائدیلهن ۳۰۰ کیلوگرام رزرو محدودیتینین اوزرینه چیخاردیغی قید ائدیلمیشدی.
آمریکا بیرلشمیش دؤولتلری پرزیدنتی ترامپ، بو آچیقلاما ایله ایرانا، "اودلا اویناییرلار" ایفادهسی ایله تپکی گؤسترمیش، آغ ائو آمریکا بیرلشمیش دؤولتلری خاریجی ایشلر باخانلیغی دا آیری آیری آچیقلامالارلا ایرانین قرارینی قینامیشدی.