میانمار، بنگلادشدکی کمپلره هئیت گؤندرهجک
میانمار، بنگلادشا سیغینان یوز مینلرله آراکانلی قاچقینین یئرلشدیگی شهرجیکلره، گری دؤنوش پروسهسینی ایضاح ائدهجک یوکسک سویهلی بیر هئیت گؤندرجگینی بیلدیریب
میانمار، بنگلادشا سیغینان یوز مینلرله آراکانلی قاچقینین یئرلشدیگی شهرجیکلره، گری دؤنوش پروسهسینی ایضاح ائدهجک یوکسک سویهلی بیر هئیت گؤندرجگینی بیلدیریب.
میانمارین بیرلشمیش میللتلر دایمی نمایندهسی هاو دو سوان، بیرلشمیش میللتلر عمومی قورولوندا اولوسلار آراسی جمعیتی، یئریندن ائدیلهرک بنگلادشه سیغینماق مجبوریتینده قالان آراکانلی قاچقینلارین ائولرینه گئری دؤنوش پروسهسی حاقیندا معلومات وئردی.
یئریندن ائدیلمیش و آراکان ایالتیندن اولدوغو تصدیقلنمیش قاچقینلاری گئری آلماغا حاضیر اولدوقلارینی دئین هاو، ایندییه قدر 30 مین 464 نفرین قاییتماق طلب ائتدیگینی، بولارین 13 مین 235ینین آراکانلی اولدوغونون آشکار ائدیلدیگینی و نه واخت ایستهسهلر آراکانا قاییداجاقلارینی بیلدیریر.
هاو، "میانمار، یئریندن ائدیلنلرین قاییتمالاری اوچون ائدیلن دوزنلمهلری ایفاده ائتمک اوچون Cox's Bazar-ا یوکسک سویهلی بیر نماینده هئیتی گؤندرهجک. دئدی.
بمت-نین میانمار قونوسوندا اؤزل نمایندهسی کریستین شرانر بورگنر ایسه آراکان بحرانینین حلّی و قاچقینلارین ائولرینه دؤنوش پروسهسینین لنگ گئتدیگینه دقتی چکهرک، بیر آن اؤنجه حرکته کئچمهسه تهلوکه زنگلرینین چالاجاغی خبردارلیق ائتدی.
ساحهدکی چتینلیکلره ده توخونان و میانماردا اوردونون سیاستده تأثیرلی اولماغا داوام ائتدیگینه ایشاره ائدن بورگنر، اؤلکهدکی بؤیوک چاخناشمانین، آرادا بحرانینین حلّینی چتینلشدیردیگینی دئییب.
آراکاندا 2012ده بوددیستلر ایله موسلمانلار آراسیندا چاتیشمالار چیخمیش، حادثهلرده چوخو موسلمان مینلرله آدام اؤلدورولموش، یوزلرله ائو و ایش یئری اودا وئریلمیشدی.
آراکانداکی سرحد منطقهلرینه 25 آوقوست 2017ده تشکیل اولونان همزامانلی سالدیریلاری اساس گؤسترن میانمار اوردوسو و بوددیست میللتچیلر، کوتلوی زوراکیلیق حرکتلرینی باشلامیشدی.
بیرلشمیش میللتلرنه گؤره، بو تاریخدن سونرا آراکانداکی باسقی و ظلمدن قاچیب بنگلادشا پناه آپارانلارین ساییسی 745 مینه چاتیب.
بمت و اولوسلار آراسی اینسان حاقلاری تشکیلاتلاری، آراکانلی موسلمانلارا قارشی شدتی "اتنیک تمیزلمه" و "سویقیریم" آدلاندیریر.