تورکیه-دن خاشقچی چاغریسی

صادق آرسلان بمت-نین خصوصی نوماینده‌سی اگنس کالامارین سعودیه عربیستانی ژورنالیستی جمال خاشقچی جینایتینه دایر آچیقلادیغی راپورداکی توصیه‌لرینی دستکلمه‌یه چاغیردی.

1226147
تورکیه-دن خاشقچی چاغریسی

تورکیه-‌نین بیرلشمیش میللت‌لر تشکیلاتی‌نین ژنو اوفیسی ینده کی دایمی نوماینده‌سی، سفیر صادق آرسلان بمت-نین خصوصی نوماینده‌سی اگنس کالامارین سعودیه عربیستانی ژورنالیستی جمال خاشقچی جینایتینه دایر آچیقلادیغی راپورداکی توصیه‌لرینی دستکلمه‌یه چاغیردی.

سفیر آرسلان بونو سوئیس-ده کی بمت-نین ژنو اوفی‌سینده داوام ائدن بمت اینسان حاق‌لاری شوراسی‌نین 41-جی ایجلاسیندا بیلدیردی.

ایجلاسدا چیخیش ائدن آرسلان بمت-نین محکمه‌سیز و اؤز باشینا اعدام‌لار عذره خصوصی نوماینده‌سی آگنس کالامارین اؤتن هفته آچیقلادیغی و دونن شورایا تقدیم ائتدیگی راپورا گؤره ممنونیتینی دیله گتیره‌رک خاشقچی جینایتینه دایر اولوسلار آراسی اینسان حاق‌لاری تحقیقاتینی آپاران کاللاماردا تشککورلرینی بیلدیردی.

آرسلان، کالامارین تحقیقاتی‌نین "دهشتلی جینایتین" گوناهکارلاری‌نین حساب وئرمه‌لرینی تامین ائتمک مسئله‌سینده اومیدوئریجی اولدوغونو بیلدیردی، کاللاماردین تورکیه سفرینده صلاحیت‌لی شخص‌لرین بو سفرین ثمره‌لی اولماسی اوچون بؤیوک سعی گؤستردیک‌لرینی سؤیله‌دی.

تورک مقام لارینین کالامارا و قروپونا دستک وئردیگینی وورغولایان آرسلان تورکیه-‌نین خصوصی نوماینده یه  جینایته دایر بوتون معلومات‌لاری وئردیگینی ایفاده ائتدی.

"حقیقتا هئچ بیر اؤلکه بو حادثه‌نین ایشیقلاندیریلماسی اوچون تورکیه قدر سعی گؤسترمه‌ییب" دئین آرسلان سؤزونه بئله داوام ائتدی: "کالامارین عدالتین یئرینی تاپماسینی و گوناهکارلارین بو جینایته گؤره حساب وئره بیلمه‌لرینی تامین ائتمیی هدفله‌ین تکلیف‌لرینی شدت ایله دستکلییریک. خاشقچی‌نین ابدی راحت‌لیق ایچینده یاتدیغیندان امین اولماق اوچون ده اولوسلار آراسی بیرلیگین بوتون عضو‌لرینی بو تکلیف‌لری دستکلمه‌یه دعوت ائدیریک. بو اونا و ماتم ایچینده اولان عائله‌سینه بورجوموزدور".

تورکیه-‌نین بیرلشمیش میللت‌لر تشکیلاتی‌نین ژنو اوفیسی یانینداکی دایمی نماینده‌سی، سفیر صادق آرسلان تورکیه-‌نین خاشقچی جینایتی ایله باغلی طرفداش‌لاری امکداش‌لیغی داوام ائتدیرمه‌یه داوام ائدجگینی ده قئید ائتدی.



ایلگیلی‌لی خبرلر