روسیادان آمریکایا سایبر ساواش اویاریسی
پسکوو، "اگر آمریکا، روسیایا ایستیقامت‌لی سایبر سالدیریلار تشکیل ائدیب دولت باشقان‌لارینا بیلدیرمیرسا، بونون روسیایا قارشی بیر سایبر ساواش‌ا ایشاره ائتدیگینی سؤیله‌یه بیلریک."دئدی
روسیا دولت باشقان‌لیغی سارایی کرملین سؤزچوسو دمیتری پسکوو، روس ایقتیصادین‌داکی ایستراتژیک نقطه‌لرین خاریجی قایناق‌لی سایبر سالدیریلارا معروض قالدیغینی ایفاده ائده‌رک، "اگر آمریکا، روسیایا ایستیقامت‌لی سایبر سالدیریلار تشکیل ائدیب دولت باشقان‌لارینا بیلدیرمیرسا، بونون روسیایا قارشی بیر سایبر ساواش‌ا ایشاره ائتدیگینی سؤیله‌یه بیلریک."دئدی.
پسکوو،نیویورک تایمز قزئتی‌نین آمریکانین روس الکتریک شبکه‌لرینه سایبر سالدیری مقصدلی پروقرام یوکلدیگینی ادعا ائتدیگی خبرینی قیمتلندیردی. روسیا‌داکی علاقه‌دار تشکیلات‌لارین سایبر سالدیریلارلا موباریزه ائتدیگینی ایفاده ائدن پسکوو، "روس ایقتیصادین‌داکی ایستراتژیک نقطه‌لر، خاریجی قایناق‌لی سایبر سالدیریلارا معروض قالیر." دئیه دانیشدی. آمریکا پرزیدنتی دونالد ترامپین سؤز موضوعسو ادعا‌لاری یالانلادیغینا ایشاره ائدن پسکوو،
"اگر آمریکا، روسیایا ایستیقامت‌لی سایبر سالدیریلار تشکیل ائدیب دولت باشقان‌لارینا بیلدیرمیرسه، بونون روسیایا قارشی بیر سایبر ساواش‌ا ایشاره ائتدیگینی سؤیله‌یه بیلریک." ایفاده‌لرینی ایستیفاده ائتدی.
آمریکا مرکزلی نیویورک تایمز قزئتی‌نین خبرینده، موسکوانین آمریکا سئچیم‌لرینه ایستیقامت‌لی موداخیله‌لرینی قارشی‌لیق آمریکا سایبر امنیت قوموتانلیغی‌نین (CYBERCOM) روسیانین الکتریک سانترالینا و اؤلکه‌دکی دیگر هدف‌لره گیزلی آمریکان کومپوتر کودلاری‌نین گؤندریلدیگی ادعا ائدیلمیشدی. خبرده، روس الکتریک شبکه‌لرینه ایستیقامت‌لی سؤز موضوعسو حاضیرلیغین ترامپین تصدیقینه تقدیم ائدیلمه‌دن حیاتا کئچیریلدیگی ادعاسینا دا یئر وئریلمیشدی.
ترامپ ایسه سؤز موضوعسو خبردن گؤره نیویورک تایمزا اعتراض گؤستره‌رک، قزئتی "سانال خیانتله" گوناهلاندیرمیشدی.
ایلگیلی‌لی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیش‌کسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب
