"نه ایران، نه ده بیز بونا حاضیریق"

ژاپن باشباخانی آبه، گمیلره سالدیری خبرینی آلدیغی زامان ایران لیدئری خامنه‌ای ایله گؤروشوردو

"نه ایران، نه ده بیز بونا حاضیریق"

آمریکا بیرلشمیش دؤولتلرینین پرزیدنتی دونالد ترامپ، اؤلکه‌سینین و ایرانین بیر آنلاشما باغلاماق اوچون حاضر اولمادیغینی آچیقلادی.

دونالد ترامپ، رسمی تویتر حسابین‌دان ژاپن باشباخانی شینزو آبه‌نین ایران ایله آمریکا آراسین‌داکی گرگینلیین آزالدیلماسی و اورتا دوغودا ثابیتلیین تامین اولونماسی اوچون تهرانا سفرینه باغلی دانیشدی.

آبه‌نین ایران لیدئری آیت‌الله علی خامنه‌ای ایله گؤروشمک اوزره ایران‌دا اولماسین‌دان ممنونلوق دویدوغونو بیلدیره‌ن ترامپ،

"شخصا، (آمریکا ایله ایران آراسین‌دا) بیر آنلاشما باغلاماغی دوشونمک اوچون بئله تئز اولدوغونو حس ائدیره‌م. نه اونلار، نه ده بیز بونا حاضیریق" ایفاده‌لرینی ایشلتدی.

ترامپ داها سونرا، خاریجی ایشلر باخانی مایک پومپونون عمان کؤرفزین‌ده ژاپنا گئدن ایکی نفت تانکرینه ائدیلن سالدیریلارا دایر وئردیگی، "الیمیزده‌کی ایستخباری بیلگیلره، سالدیری اوچون ایستیفاده ائدیله‌ن سلاحلارا و حرفه‌ای‌لیگه باخدیغیمیزدا ایرانین مسئول اولدوغونو گؤروروک" آچیقلاماسینین یئر آلدیغی ویدئو تویت آتدی.

ژاپن اقتصاد، تیجارت و صنایع باخانی هیروشیگه سئکو، ژاپنا یوک داشییان ایکی نفت تانکرینین هرمز بوغازی یاخینلیغین‌دا سالدیرییا معروض قالدیغینی بیلدیرمیشدی.

ژاپن باشباخانی آبه، گمیلره سالدیری خبرینی آلدیغی زامان ایران لیدئری خامنه‌ای ایله گؤروشوردو.



ایلگیلی‌لی خبرلر