اینگیلیستاندا باش ناظیرلیک اوچون یئنی نامیزدلر کسینلشدی

7 ژوئن تاریخینده ترزا می‌ین ایستعفاسی‌نین آردین‌دان، بوش نامیزد موحافیظه‌کار پارتی رهبرلیگی اوچون 10 نامیزدین موباریزه ائده‌جک‌لری اعلان ائدیلدی

اینگیلیستاندا باش ناظیرلیک اوچون یئنی نامیزدلر کسینلشدی

اینگیلیستان باش ناظیر ترزا می‌ین اؤلکه‌سی‌نین آوروپا بیرلیگیندن آیریلما (بریکسیت) بحرانین‌ سببیله پارتی رهبرلیگین‌دن ایستعفا سونراسی، باش ناظیرلیک اوچون یئنی نامیزدلر کسینلشدی.

7  ژوئن تاریخینده ترزا می‌ین ایستعفاسی‌نین آردین‌دان، بوش نامیزد موحافیظه‌کار پارتی رهبرلیگی اوچون 10 نامیزدین موباریزه ائده‌جک‌لری اعلان ائدیلدی.

یئنی لیدرلر خاریجی ایشلر ناظیری جرمی هانت، ایچ ایشلر ناظیری ساجید جاوید، ساغلیق ناظیری مات هانکوک، چئوره ناظیری مایکل گوو، بین الخالق گلیشمه ناظیری روری استوارت، اسکی خاریجی ایشلر ناظیری بوریس جانسون، اسکی امک ناظیری استر مکوی، اسکی بریکسیت ناظیری دومینیک راب، اسکی عوام مجلیس لیدیری آندره لادسوم، اسکی قروپ باشقانی وکیلی مارک هارپر.

نامیزدلر 13 ژوئن تاریخینده پارتینین "عوام مجلیسینده"سس وئره‌جک‌لر. ژوئن‌ین 17-سینده  ان آز 17 میللت وکیلی اویونونو قازانانلار ایکینجی توردا یاریشا‌جاق. بو مرحله‌ده ان آزی 33 میللت وکیلی نؤوبتی توردا قالا‌جاق.

عوام مجلیسینده پارتی قروپو سس وئرمه‌لری، نامیزدلرین ساییسی 2-ه دوشنه قدر داوام ائده‌جک.

سون 2 نامیزد پارتینین تخمینن 125.000 عضوونون پوست یولو ایله سس‌لرینی وئره‌جک‌لر.

ژوئن‌ین 22-سینده باشا چاتا‌جاق سس وئرمه‌دن سونرا پارتینین یئنی لیدری و اؤلکه‌نین باش ناظیری‌نین ایقامتگاهی‌نین "10 نؤمره"نین یئنی پرزیدنتی 23 ژوئیه‌ده اعلان ائدیله‌جک.

یئنی لیدرین سئچیم‌لری داوام ائدرکن، می، لیدرلیک وظیفه‌سینی ایجرا ائده‌جک و باش ناظیر وظیفه‌سینی ساخلایا‌جاق.

ترزا می کئچن هفته آوروپا بیرلیگی ایله بریکسیت راضیلاشماسی پارلامنتده اوچ دفعه رد اولوندوق‌دان سونرا پارتی ایچی موخالیفت باسقیسینا گوونمه‌یه‌رک، ایستعفاسینی اعلان ائتمه‌یه مجبور اولدو.

اینگیلیستانین آوروپا بیریلیگیندن 29 مارسدا 2016-دا رفرندومدا آیریلماسینا دایر قرارینی یئرینه یئتیرمه‌سی گؤزلنیلیردی، لاکین بریکسیت آنلاشما‌سینا آرد-آردا رد اویو وئردیک‌دن سونرا بریکسیت 31 اوکتوبرا ارته‌لندی.



ایلگیلی‌لی خبرلر