هلیکوپتر گؤی‌دلنه چارپدی

"هلیکوپترین بو بینایا ائنمک ایسته‌مه‌سینین ندنینی بیلمیریک. بو عادی بیر ائنیش دئییل"

هلیکوپتر گؤی‌دلنه چارپدی

آمریکا بیرلشمیش دؤولتلرینین نیویورک شهرینین منهتن بؤلگه‌سینده، بیر هلیکوپتر گؤی‌دلنه چارپاراق دوشدو. پیلوتونون حیاتینی ایتیردی و اولایین بیر ترور سالدیری‌سی اولمادیغی آچیقلاندی.

نیویورک اطفاعیه‌سیندن وئریلن آچیقلامایا گؤره، بیر هلیکوپتر، منهتنین اورتا بؤلگه‌سینده تایمز میدانینا یاخین بیر آلانداکی گؤی‌دلنین سون قاتینا چارپدی.

چارپمانین آردین‌دان هلیکوپترین آلوو آلدیغی، اولایا اطفاعیه و پلیس اکیبلرینین مداخله ائتدیگی بیلدیریلدی.

نیویورک والی‌سی آندرو کومو، اولای یئرینده‌کی قازئته‌چیلره آچیقلاماسیندا،

"هلیکوپترین بو بینایا ائنمک ایسته‌مه‌سینین ندنینی بیلمیریک. بو عادی بیر ائنیش دئییل" دئیه دانیشدی.

نیویورک بلدیه باشقانی بیل دو بلاسیو ایسه، گؤی‌دلنه چارپان تیجاری هلیکوپترین اورادا هیچ اولماماسی گرکدیگینی سؤیله‌دی.

اولایین بیر تئرور سالدیری‌سی اولمادیغینی بیلدیرن دو بلاسیو،

"اونلارجا ایلدیر هلیکوپترلر، منهتن‌ده‌کی بینالارا ائنمیر. لاگواردیا هاوالیمانینین اجازه‌سی اولمادان بیر هلیکوپترین منهتنین بو بؤلگه‌سینده اولماماسی گرکیردی، اؤزللیکله ده ترامپ تاویردان دولایی" ایفاده‌لرینی ایشلتدی.



ایلگیلی‌لی خبرلر