باش ناظیر ترزا می پارتی صدرلیگیندن ایستعفا وئریب
اینگیلتره‌نین باش ناظیری ترزا می محافظه کار پارتیسی‌نین صدرلیگیندن رسمی اولا‌راق ایستعفا وئریب.
اینگیلتره‌نین باش ناظیری ترزا می محافظه کار پارتیسی‌نین صدرلیگیندن رسمی اولا‌راق ایستعفا وئردی.
اقتدارداکی محافظه کار پارتی ده لیدرلیک یاریشینی تشکیل ائدن "1922 کومیته‌سی"ندن ائدیلن یازی‌لی شرحده بیلدیریلیر:
"ترزا می ین ایستعفا مکتوبو کومیته‌یه چاتدیریلدی. صدر اولماق اوچون نامیزدلیک مراجعت‌لری 10 ژوئن اینگیلتره ساعاتی ایله 17.00-آ قدر قبول ائدیلیر."
حال-حاضردا ترزا می ین باشچی‌لیغی ایله ناظیرلر کابینه سینده اولان 5 ناظیر ایله داها اول کابینه ده یئر آلان 5 ناظیر ده نامیزدلر آراسیندا‌دیر.
پارتی‌نین صدرلیک سئچکی‌سی قایدا‌لارینا گؤره، نامیزدلره اولجه پارتی‌نین پارلامئنت قروپوندا سس وئریله‌جک. سوندا قالان ایکی آداما پارتی‌نین تخمینن 125 مین عضوو مکتوب یولویلا سس وئره‌جک. سس وئرمه 22 ژوئیه آیینا قدر سوره‌جک. بئله‌لیکله، محافظه کار پارتیسی‌نین یئنی صدری و یئنی باش ناظیر 23 ژئیه ده اعلان ائدیله‌جک.
یئنی صدر سئچیله نه ده ک ترزا می وظیفه‌سینه و باش ناظرلیگه داوام ائده‌جک.
قئید ائدک کی، آوروپا بیرلیگی ایله برگزیت (اینگیلتره‌نین آوروپا بیرلیگیندن آیریلماسی) راضیلاشماسی‌نین پارلامئنتده 3 دفعه رد ائدیلمه‌سیندن سونرا ترزا می پارتی ایچی موخالیفتین تضییقینه دؤزمه‌یه‌رک کئچن هفته ایستعفا وئرجگینی بیلدیرمیشدی.
