ترامپ اورتا دوغویا تخمینن 1500 علاوه حربچی‌نین گؤندریلمه‌سی باره‌ده امر وئردی

امریکا پرزیدنتی دونالد ترامپ ژاپونیا-یا سفریندن اول آغ ائوده مطبوعات نماینده‌لری ایله گؤروشه‌رک گوندمده اولان مسئله‌لر حاقیندا فیکیر بیلدیردی.

ترامپ ایرانلا باغلی آتیلان یئنی آددیم‌دان بحث ائتدی.

امریکا پرزیدنتی بؤلگه‌یه گؤندریله‌جک تخمینن 1500 نفرلیک حربی قوه‌نین وظیفه‌سی‌نین اساساً، اورتا دوغوداکی امریکا حربچی‌لرینی و رسمی‌لرینی قوروماق اولاجاغینی قئید ائتدی.

سؤزوگئدن علاوه حربی قوه‌لرله باغلی قرارین جزئیات لارینین پنتاگون طرفیندن آچیقلاناجاغی گؤزلنیلیر.

ترامپین بیاناتیندان قیسا مودت اول امریکا مطبوعاتی ترامپین علاوه حربی قوه باره‌سینده قرار قبول ائتدیگی و کنگره-نی قرارلا باغلی معلوماتلاندیردیغی ایله علاقه‌دار خبرلر یایمیشدی.

خاطیرلاداق کی، امریکا ایکی هفته اول ایران‌دان گله بیله‌جک تهدیدلره قارشی تدبیر مقصدیله " یواس‌اس آبراهام لینکلن" طیاره گمی‌سی‌نین هوجوم قروپو ایله نوکلئر باشلیقلی 4 عدد ب-52 بومباردمان طیاره‌سیندن عبارت بومباردمان وظیفه قوه‌سینی بصره کؤرفزینه گؤندرمیشدی.

امریکا پرزیدنتی بازار گونو  تویترده بؤلوشدوگو مئشاژیندا: "ایران محاربه ایستیرسه، بو، رسمی اولا‌راق ایرانین سونو اولا‌جاق. هئچ واخت امریکانی تهدید ائتمه" ایفاده‌لرینی ایشلتمیشدی.