فایز سراج:" اؤلکه‌ده آخان قانین دایاندیریلماسی اوچون هله ده ایمکان وار"

لیبی میللی هم رای‌لیک حکومتی و صدرلیک شوراسی‌نین صدری فایز سراج اؤلکه‌ده آخان قانین دایاندیریلماسی و دیالوق ماساسینا اوتورولماسی اوچون هله ده ایمکان اولدوغونو سؤیله‌دی.

تونیس-ده لیبی دوغو بؤلگه‌سی لیدرلریله بیر آرایا گلن سراج ژنرال خلیفه خفترین پایتاخت طرابلسو اله کئچیرمک اوچون باشلاتدیغی عملیاتا ایشاره ائده‌رک، بو آجی تجروبه‌دن و بونون دوغوردوغو نتیجه‌لردن ایستیفاده ائتمه‌ین واجیب اولدوغونو وورغولادی.

خفترین بو عملیات‌لاری حاکمیتی اله کئچیرمک اوچون حیاتا کئچیردیگی‌نین سؤیله‌ین سراج "دوغوداکی قارداش‌لاریمیزی بو قارشیدورما‌دان کناردا قالماغا چاغیریریق. بوتون لیبی-لرین قانی بیزیم اوچون قیمت‌لی‌دیر" دئدی.

سراج سون هوجوم‌لاردا ایکی طرف‌دن ده یوزلرله اینسانین حیاتینی ایتیردیگینه دقت چکه‌رک بیلدیردی کی، اؤلکه‌نین قارشی-قارشییا اولدوغو بحرانین باریشچیل یول‌لاردان حلینه یاخینلاشمیشدیق کی طرابلس ایستیقامت‌لی بو هوجوم‌لار سیاسی سوره جه جدی ضربه ائندیردی، اؤلکه‌نی زوراکی‌لیق و محاربه‌نین گیردابینا آپاردی. اؤلکه‌دکی موباریزه‌نین دوغو ایله باتی آراسیندا دئییل، معاصر سیویل دؤولت ایسته‌ین‌لرله دؤولتی میلیتارلاش‌دیرماق و توتالیتار رژیمه قاییتماق ایسته‌ین‌لر آراسیندا‌دیر.

قئید ائدک کی، لیبی-نین دوغوسونداکی حربی قوه‌لرین لیدری ژنرال خلیفه خفتر پایتاخت طرابلسی اله کئچیرمک اوچون 4 آوریل ده هوجوم اوچون گؤستریش وئرمیش، بونون قارشی‌سیندا لیبی میللی هم رای‌لیک حکومتی قوه‌لری ده بورکان الگاداب عملیاتینی باشلاتمیشدی.

اولوسلار ساغلیق تشکیلاتی‌نین آچیقلادیغی معلولماتا گؤره، طرابلس و اطرافین‌داکی توققوشما‌لاردا آوریلین 4-دن بری‌دیر تقریباً 500 نفر حیاتینی ایتیریب.