آنگلا مرکل کورواسی‌ باشباخانی آندری پلنکوویچ ایله بیر آرایا گلدی

گؤروشمه‌نین آردین‌دان تشکیل ائدیلن اورتاق مطبوعات کونفرانسیندا دانیشان مرکل، غرب بالکان اؤلکه‌لری‌نین، آوروپا بیرلیگی عضو‌لوگونو دستکلدیک‌لرینی سؤیله‌دی

آنگلا مرکل کورواسی‌ باشباخانی آندری پلنکوویچ ایله بیر آرایا گلدی

آلمان باشباخانی آنگلا مرکل، آوروپادا باریش، امنیت و آزادلیق ایسته‌ییریک دئدی.

مرکل، کورواسی‌نین باشکندی زاگرب‌دکی دانیشیق‌لاری چرچیوه‌سینده همکاری آندرژ پلنکوویچ ایله بیر آرایا گلدی.

گؤروشمه‌نین آردین‌دان تشکیل ائدیلن اورتاق مطبوعات کونفرانسیندا دانیشان مرکل، غرب بالکان اؤلکه‌لری‌نین، آوروپا بیرلیگی عضو‌لوگونو دستکلدیک‌لرینی سؤیله‌دی.

مرکل، آلمانیادا یاشایان تخمینن 370 مین کوروات وطنداشین، کورواسی ایله آلمانیا آراسیندا اهمیت‌لی بیر کؤرپو وظیفه‌سی بوینونا گؤتوردوگونو ایفاده ائتدی.

کورواسی‌نین آوروپا بیرلیگینه عضولوک پروسه‌سینه توخونان مرکل، اؤلکه‌نین آلمانیانین دستگی ایستیقامتینده اولدوغونو وورغولادی،

" آوروپا بیرلیگی عضو‌لوگونون، کورواسی‌نین ریفاه سویه‌سینی آرتیرماسینی و اینسان‌لارین داها یاخشی یاشام شرط‌لرینه صاحب اولما‌لارینی ایستییریک. آوروپادا باریشین، امنیتین و آزادلیغین قالیجی اولماسینی ایستییریک." دئیه دانیشدی.

باش ناظیر پلنکوویج ده اؤلکه‌سی‌نین ان اهمیت‌لی هدف‌لرین‌دن بیری‌نین شنگن عضو‌لوگو اولدوغونو خاطیرلادا‌راق، کوروات پولیسی‌نین، قونشو اؤلکه‌لرله ایش بیرلیگینه آچیق اولدوغونو سؤیله‌دی.

کورواسی‌نین خاریجی سرحدلرینده آلتی مین 500 پولیسین ایشله‌د‌یغینی سؤیله‌ین پلنکوویچ، "آتدیغیمیزهر آددیم غیر قانونو قاچاغین قارشی‌سینی آلماق‌دیر. اؤلکه میزه گیریشین ایستیقرارسیزلیغا سبب اولان اینسان قاچاقچیلارن یوخ، آوروپا بیرلیگی مسئوللارینین کونترولوندا اولماسینی ایستیریک." شکلینده دانیشدی.

پلنکوویچ، آلمانیا، 5.3 میلیارد آورو تیجارت حجمینده کورواسینین ان اهمیت‌لی تیجارت طرفداشی اولدوغونو وورغولادی.



ایلگیلی‌لی خبرلر