ایرانا سیاحت اویاریسی وئریلدی

"اینگیلتره‌نین پروبلئمی حل ائتمک اوچون دفعه‌لرله فرصت سونماسینا باخمایاراق ایران رژیمینین اویغولامالاری پیسلشدی"

ایرانا سیاحت اویاریسی وئریلدی

اینگیلتره، ایکی‌لی وطنداش اولان و اینگیلیس حکومتی ایله باغلانتیلی قورولوشلار اوچون چالیشان ایران وطنداشلارینی بو اؤلکه‌یه ائد‌جکلری سیاحتلر قونوسون‌دا اویاردی.

اینگیلتره خاریجی ایشلر باخانلیغیندان وئریله‌ن یازی‌لی آچیقلامادا، سیاحت اویاریسی قرارینین، "ایران حکومتینین ایکیلی وطنداشلار ایله بیرلشمیش کرال‌لیق‌داکی قورولوشلارلا باغلانتی‌سی اولان ایران وطنداشلارینا قارشیی داوام ائد‌ن کیفی گؤزآلتیلار و پیس رفتارلار اوزرینه آلیندیغی" ایفاده ائدیلدی.

"اینگیلیس وطنداشلاری، اؤزللیکله ده ایکیلی وطنداشلار، بیر چوخ اؤلکه‌نین وطنداشین‌دان قبول ائدیله‌بیلمز بیر شکیل‌ده داها چوخ کیفی گؤزآلتی و پیس رفتار ریسکی ایله قارشی قارشییا" دئییلن آچیقلامادا، گوونلیک گوج‌لرینین اینگیلیس قورولوشلارلا باغلانتیسی اولان شخصلردن ده شبهه‌لنه‌بیله‌جگی قید ائدیلدی.

آچیقلامادا، ایکی‌لی وطنداش‌لیغی تانیمادیغی اوچون اینگیلتره‌نین اولاسی بیر گؤزآلتی دوروموندا ائده‌بیله‌جکلرینین محدود اولاجاغی دا وورغولاندی.

اینگیلتره خاریجی ایشلر باخانی جرمی هانت دا ایکیلی وطنداشلارین ایرانا گئتمه‌لری دوروموندا پیس رفتار ریسکی ایله قارشی قارشییا قالاجاقلارینی ساووناراق، "اینگیلتره‌نین پروبلئمی حل ائتمک اوچون دفعه‌لرله فرصت سونماسینا باخمایاراق ایران رژیمینین اویغولامالاری پیسلشدی. دیگر بوتون سئچه‌نکلر تۆکندیگی اوچون ایندی بوتون ایکیلی وطنداشلارا ایرانا سیاحت ائتمه‌مه‌لری قونوسوندا توصیه ائتمک دورومونداییق" دئدی.

 اینگیلتره‌نین سیاحت اویاریسی قراری، تهران رهبرلیگینین، بریتیش کانسیل چالیشانی بیر ایرانلینین جاسوسلوق اتهامی ایله ۱۰ ایل حبسه محکوم ائتدیرمه‌سینین آردیندان گلدی.



ایلگیلی‌لی خبرلر