باریش پیناری حرکاتی

آماچ حضور،
هدف ترور

ایسلام امکداش‌لیق تشکیلاتی فیلیسطین ایله باغلی چاغیریش ائتدی

ایسلام امکداش‌لیق تشکیلاتی نکبت (بؤیوک فلاکت) گونونون 71-جی ایلدؤنوموندا اولوسلار آراسی توپلوما فیلیسطینه قارشی تاریخی عدالت‌سیزلیگه مانع اولونماسی اوچون چاغیریش ائتدی.

ایسلام امکداش‌لیق تشکیلاتی فیلیسطین ایله باغلی چاغیریش ائتدی

ایسلام امکداش‌لیق تشکیلاتی نکبت (بؤیوک فلاکت) گونونون 71-جی ایلدؤنوموندا اولوسلار آراسی توپلوما فیلیسطینه قارشی تاریخی عدالت‌سیزلیگه مانع اولونماسی اوچون چاغیریش ائتدی.

ایسلام امکداش‌لیق تشکیلاتی طرفیندن همین موضوع ایله باغلی یاییلان آچیقلامادا "بو فاجعه‌لی وضعیت اولوسلار آراسی توپلومون قانونی اولوسلار آراسی قرارلاری تطبیق ائتمک‌دن آجیز قالماسی نتیجه‌سینده 70 ایلدن آرتیق مودت‌دیر داوام ائدیر" ایفاده‌سی یئر آلیب.

آچیقلامادا اولوسلار آراسی توپلومون فیلیسطینه قارشی تاریخی عدالتسیزلیگین آرا‌دان قالدیریلماسی اوچون اوزرینه دوشن مسئولیتی یئرینه یئتیرمه‌سی‌نین واجیب‌لیگی وورغولانا‌راق بیلدیریلیب کی، فیلیسطین خالقی‌نین نکبت سببیله قارشی-قارشییا اولدوغو پروبلئم‌لر آرتماقدا داوام ائدیر. بو کدرلی حادثه هم شخصی اولا‌راق، هم ده توپلوم اولا‌راق هله ده یادداش‌لاردا‌دیر. ایشغال گوجو ایسرایل تورپاق‌لاری غارت ائتمه‌یه، فیلیسطین‌لی‌لرین ائولرینی داغیتماغا، قتل عام تؤرتمه‌یه، مقدس اولان‌لاری تخریب ائتمه‌یه داوام ائدیر.

بون‌لاردان باشقا ایسرایلین قودسو یهودی لشدیرمه و فیلیسطین‌لی‌لری یاشادیق‌لاری ائو-ائشیک‌لرین‌دن ائتمه سیاستی‌نین داوام ائتدیگی بیلدیریلن آچیقلامادا وورغولانیب کی، اضطراب دولو اوزون ایللره باخمایا‌راق فیلیسطین خالقی داواسینا اولان اینانجینی داوام ائتدیریر. تورپاق‌لارینا قاییتما حاقینی، شرف‌لی و آزاد یاشاما حقوقونو الده ائتمک اوچون موباریزه آپاریر. اورتایا قویدوغو بو شرف‌لی موضعینی ایللردیر داوام ائتدیریر.

ایسلام امکداش‌لیق تشکیلاتی-نین عدالت‌لی موباریزه‌سینده میللی حاق‌لارینی گئری آلماسی اوچون فیلیسطتین خالقینا دایمی و تام دستکی‌نین وورغولاندیغی آچیقلامادا دونیا اؤلکه‌لرینه ده موختلیف واسطه‌لرله بو خالقا دستکینی گؤسترمه‌سی اوچون چاغیریش ائدیلیب.

قئید ائدک کی، فیلیسطین‌لی‌لر ایسرایلین 14 می 1948-جی ایلده ایشغال ائتدیگی فیلیسطین تورپاق‌لاریندا موستقیل‌لیگینی اعلان ائتمه‌سی و فیلیسطین‌لی‌لری تضییقله کؤچ ائتدیرمه‌سی سببیندن 15 می تاریخینی "نکبت" (بؤیوک فلاکت) گونو کیمی یاد ائدیر.

ایسرایل قوه‌لری نکبت زامانی بیر میلیونا یاخین فیلیسطین-لینی تضییقله تورپاقلاریندان‌ چیخارا‌راق سورگون ائتدی، فیلیسطین‌لی‌لره مخصوص 675 کند و قصبه محو ائدیلدی، مین‌لرله فیلیسطین‌لی اؤلدورولدو.

بؤیوک فلاکته گؤره حاضردا فیلیسطین‌لی‌لرین 80 فایزی قاچقین اولا‌راق دونیانین موختلیف یئرلرینده یاشاییر.



ایلگیلی‌لی خبرلر