ونزوئلا تورکیه-‌نین حامی دؤولت اولماسینی تکلیف ائتدی

ونزوئلانین بیرلشمیش میللت‌لر تشکیلاتینداکی دایمی نماینده‌سی ساموئل مونکادا اؤلکه‌سی‌نین واشینگتن-داکی سفیرلیگی‌نین قورونماسی اوچون تورکیه-‌نین حامی دؤولت اولماسینی تکلیف ائتدیک‌لرینی سؤیله‌دی.

ونزوئلا تورکیه-‌نین حامی دؤولت اولماسینی تکلیف ائتدی

ونزوئلانین بیرلشمیش میللت‌لر تشکیلاتینداکی دایمی نماینده‌سی ساموئل مونکادا اؤلکه‌سی‌نین واشینگتن-داکی سفیرلیگی‌نین قورونماسی اوچون تورکیه-‌نین حامی دؤولت اولماسینی تکلیف ائتدیک‌لرینی سؤیله‌دی.

مونکادا بمت باش مرکزینده تشکیل ائتدیگی مطبوعات کنفرانسیندا امریکانین ونزوئلانین واشینگتن-داکی سفیرلیگی‌نین بوشالدیلماسی قراری ایله باغلی آچیقلاما‌لار وئردی.

امریکا ایله ونزوئلا آراسیندا دیپلوماتیک علاقه‌لرین کسیلدیگینی و ویانا موقاویله‌سین‌دکی دیپلوماتیک علاقه‌لر چرچیوه‌سینده امریکانین پایتاخت کاراکاس‌داکی سفیرلیگی اوچون اوچونجو بیر اؤلکه اولان سوئیسی قورویوجو دؤولت اولا‌راق سئچدیگینی ایفاده ائدن مونکادا:"بیز ده تورکیه-نی حامی دؤولت اولا‌راق تکلیف ائتدیک. تکلیفیمیزه: "بیز سیزی تانیمیریق جاوابی وئره‌رک، یوخ دئدی‌لر. گوایدونو تانیدیق‌لارینی سؤیله‌دیلر دئیه دانیشدی.

امریکا رهبرلیگی اعتراض چیلارین و آکتیویست‌لرین بیر مودت‌دیر کئشیک توتدوق‌لاری ونزوئلانین واشینگتن سفیرلیگینی بوشالتماق اوچون قانونی بیر پروسه باشلاتدیغینی آچیقلادی.

امریکا خاریجی ایشلر ناظیرلیگی، سفیرلیگین ونزوئلا-دا اؤزونو موقتی دؤولت باشچی‌سی اعلان ائدن پارلامئنت صدری خوان گوایدو رهبرلیگینه عایید اولدوغونو بیل‌دیره‌رک، ونزوئلا پرزیدنتی نیکولاس مادورونو تانیمادیق‌لارینی، بو سببله مادورویا دستک وئرن اعتراض چیلارین سفیرلیکده اولما‌لاری‌نین غیری-قانونی اولدوغونو ایره‌لی سورموشدو.

ناظیرلیک گوایدو طرفیندن واشینگتن-ا سفیر اولا‌راق تعیین اولونموش ونزوئلا-لی دیپلومات کارلوس وکیونون  سفیرلیگین بوشالدیلماسینی طلب ائتدیگینی بیلدیره‌رک، اعتراض چیلاری کؤنول‌لو شکیلده سفیرلیک‌دن چیخماغا دعوت ائتمیشدی.

ونزوئلا دؤولت باشچی‌سی نیکولاس مادورویا دستک وئرن قادین آکتیویست قروپو " CodePink "ین باشچی‌لیق ائتدیگی اعتراض چیلار تخمینن بیر آیدیر بینانین ایچینده‌دیرلر. گوایدو دستکچی‌لری ایسه بینا خاریجینده کئشیک توتورلار.

ونزوئلا حکومتی‌نین امکداش‌لاری طرفین‌دن بینایا دعوت ائدیلدیک‌لرینی سؤیله‌ین اعتراض چیلار پولیسین اونلاری زورلا چیخارماق حقوقونا مالیک اولمادیغینی ادعا ائدیرلر.



ایلگیلی‌لی خبرلر