ترامپ: ایران یاخیندا دانیشماق ایسته‌یه‌جک

"یالان خبر واشنگتن پست و یالان خبر نیویورک اورتادوغوداکی گوجلو سیاستیم ایله ایلگیلی بیر دارتیشما وار ایمیش کیمی خبرلر یازیر"

ترامپ: ایران یاخیندا دانیشماق ایسته‌یه‌جک

آمریکا بیرلشمیش دؤولتلری پرزیدنتی دونالد ترامپ، اؤز یؤنتیمی ایچینده ایران سیاستینه باغلی بیر دارتیشما اولمادیغینی قید ائتدی.

"آرخایینام کی، ایران یاخیندا بیزیمله دانیشماق ایسته‌یه‌جک" دگرلندیرمه‌سینی وئردی.

اؤلکه‌سی ایله ایران آراسینداکی گرگین‌لیک آرتارکن ترامپ تویترده آمریکا بیرلشمیش دؤولتلری مطبوعاتین‌دا ایران خبرلرینه تپکی وئردی.

واشینگتن پست و نیویورک تایمز قزئتلرین‌ده‌کی سون ایران خبرلرینین گئرچگی عکس ائتدیرمه‌دیگینی سؤیله‌یه‌ن ترامپ،

"یالان خبر واشنگتن پست و یالان خبر نیویورک اورتادوغوداکی گوجلو سیاستیم ایله ایلگیلی بیر دارتیشما وار ایمیش کیمی خبرلر یازیر. ایچریده بیر دارتیشما یوخ. فرقلی گؤروسلر اورتایا قویولور و من نهایی قراری وئریرم. چوخ ساده بیر پروسه. بوتون طرفلر، گؤروشلر و یاناشیملار دگرلندیریلیر. ایرانین یاخیندا (بیزیمله) دانیشماق ایسته‌یه‌جگیندن آرخایینام" دئدی.

آمریکا بیرلشمیش دؤولتلری پرزیدنتی ترامپ سون اولاراق ان‌وای‌تی قزئتینین اؤنجه‌کی گون یاییملادیغی "آمریکا بیرلشمیش دؤولتلری، ایران تهدیدینه قارشی بؤلگه‌یه ۱۲۰ مین عسگر گؤندرمه‌یه حاضیرلاشیر" شکلینده‌کی خبری یالانلامیشدی.

ترامپ،

"ان‌وای‌تی‌نین خبری کسین یالان خبردیر (بؤلگه‌یه عسگر گؤندرمه)، بونو ائد‌ردیم آنجاق بیز بئله بیر شئی پلانلامادیق. اگر پلانلاسایدیق، بوندان داها چوخ عسگر گؤندرردیک " دئمیشدی.



ایلگیلی‌لی خبرلر