ترامپ نیویورک تایمز-ین ادعاسینی تکزیب ائتدی

امریکا پرزیدنتی دونالد ترامپ اؤلکه‌سی‌نین ایران تهدیدینه قارشی بؤلگه‌یه 120 مین‌لیک قوشون گؤندرمه‌یه حاضیرلاشدیغی باره‌ده ادعانین یالان اولدوغونو سؤیله‌دی.

ترامپ نیویورک تایمز-ین ادعاسینی تکزیب ائتدی

امریکا پرزیدنتی دونالد ترامپ اؤلکه‌سی‌نین ایران تهدیدینه قارشی بؤلگه‌یه 120 مین‌لیک قوشون گؤندرمه‌یه حاضیرلاشدیغی باره‌ده ادعانین یالان اولدوغونو سؤیله‌دی.

ترامپ بونو اؤتن گون "نیویورک تایمز" قزئتی‌نین "امریکا ایران تهدیدینه قارشی بؤلگه‌یه 120 مین حربچی گؤندرمه‌یه حاضیرلاشیر" باش‌لیق‌لی خبرینه رئاکسیا اولا‌راق بیلدیردی.

آغ ائوین باخچاسیندا مطبوعات نماینده‌لری‌نین سوال‌لارینی جاوابلان‌دیران ترامپ "نیویورک تایمز" قیزئتینده درج اولونان بو خبرله باغلی: "نیویورک تایمز" یالان خبرلر یازیر. من بونو مطلق ائدردیم، لاکین بونو ائتمه‌یی پلانلاشدیرمادیق. اومیدوارام کی، پلانلاش‌دیرماق مجبوریتینده ده قالماریق. اگر بئله اولسایدیق، بون‌دان داها چوخ حربچی گؤندرردیک".

ترامپین "پلانلاشدیردیغیمیز تقدیرده، داها چوخ قوشون گؤندرردیکک" ایفاده‌سی امریکانین ایرانلا حربی قارشیلاشما احتیمالینی گؤزاردی ائتمه‌دیگی شکلینده شرح اولوندو.

ترامپ "نیویورک تایمز"ین ادعاسینی رد ائتدی، لاکین پنتاگون هئچ بیر آچیقلاما وئرمه‌دی.

امریکا پرزیدنتی دونالد ترامپ اؤتن گون موضوع ایله علاقه‌دار وئردیگی آچیقلامادا ایرانین امریکایا قارشی هر هانسی بیر حرکت ائتمه‌سی حالیندا جاوابین "آغیر" اولاجاغینی سؤیله میشدی.



ایلگیلی‌لی خبرلر