سرگئی لاوروو چین-لی همکاری وانگ یی ایله سوچی-ده گوروشدو

روسیا خاریجی ایشلر ناظیری سرگئی لاوروو اؤلکه‌سی ایله چین و امریکانین یاخین دیالوق قورماسی حالیندا کره  یاریم آداسینداکی پروبلئم‌لرین حل ائدیله بیله جگینی سؤیله‌دی.

سرگئی لاوروو چین-لی همکاری وانگ یی ایله سوچی-ده گوروشدو

روسیا خاریجی ایشلر ناظیری سرگئی لاوروو اؤلکه‌سی ایله چین و امریکانین یاخین دیالوق قورماسی حالیندا کره  یاریم آداسینداکی پروبلئم‌لرین حل ائدیله بیله جگینی سؤیله‌دی.

روسیا خاریجی ایشلر ناظیری سرگئی لاوروو چین-‌لی همکاری وانگ یی ایله سوچی-ده کئچیردیگی گؤروش‌دن سونرا بیرگه مطبوعات کنفرانسی کئچیردی.

مطبوعات کنفرانسیندا مسکوا و پکن-ین اولوسلار آراسی تهلوکه‌سیزلیک و ثابت‌لیگی محکملندیرمک اوچون امکداش‌لیق ائتدیگینی بیلدیرن لاوروو ایکی اؤلکه آراسیندا اینکیشاف ائدن تیجارت علاقه‌لری ایله یاناشی، حربی تئکنیکی امکداشلیغا دا اهمیت وئردیک‌لرینی بیلدیردی.

مسکوا و پکن-ین کره یاریم آداسینداکی وضعیتین نورماللاشماسی اوچون بیرگه ایشی داوام ائتدیرمک مسئله‌سینده راضیلاشدیغینی بیلدیرن لاوروو: "روسیا، چین و امریکا آراسیندا یاخین بیر اوچلو دیالوق قورولسا، کره یاریم آداسینداکی وضعیت داها اوغورلو بیر شکیلده حل اولونا بیلر" دئدی.

چین خاریجی ایشلر ناظیری وانگ دا پکن-ین نوکلئر تجهیزاتینی، مودافعه سیاستینی قارشیلایا‌جاق سویه‌ده داوام‌لی اولا‌راق مینیموم سویه‌ده توتدوغونو سؤیله‌یه‌رک، نوکلئر سلاحین‌دان ایستیفاده ائتمه‌یه‌جک‌لرینه سؤز وئردی.



ایلگیلی‌لی خبرلر