آنتونیو گوترش زئلاندیادا ترور حادثه لری تؤره‌دیلن مسجیدلرده اولدو

بیرلشمیش میللت‌لر تشکیلاتی‌نین باش کاتیبی آنتونیو گوترش یئنی زئلاندیادا مارس آییندا ترور آکسیا‌لاری‌نین تؤردیلدیگی مسجیدلره گئتدی.

آنتونیو گوترش زئلاندیادا ترور حادثه لری تؤره‌دیلن مسجیدلرده اولدو

بیرلشمیش میللت‌لر تشکیلاتی‌نین باش کاتیبی آنتونیو گوترش یئنی زئلاندیادا مارس آییندا ترور آکسیا‌لاری‌نین تؤردیلدیگی مسجیدلره گئتدی.

گوترش کرایست چرچ  شهرینده کی اول النور، سونرا دا لینوود مسجیدلرینه گئده‌رک مسلمان توپلومونون نفوذلو شخص‌لری و هوجوم‌لارین شاهیدلری ایله گؤروشدو.

نور مسجیدینده تخمینن یاریم ساعت اولان گوترش بیر چوخ اینسان کیمی تأثیرلی حکایه‌لردن مایوس اولدوغونو قئید ائده‌رک: " آجی و کدرین تسلی سؤزلری ایله کئچمه‌یه‌جگینی بیلیرم. بورایا شخصاً سئوگی و حؤرمت گؤسترمک، دستک اولماق اوچون گلمک ایستدیم" دئدی.

لینوود مسجیدینده ده چلنگ قویان گوترش قوودوغو تجاوزکارا کرئدیت کارتی جهازینی و یئردن تاپدیغی سلاحی آتان، وطنداش‌لار طرفیندن قهرمان اعلان ائدیلن عبدالعزیز داخیل اولماقلا، ترور آکتی‌نین شاهیدلری ایله گؤروشدو.

عبدالعزیز بمت-نین باش کاتیبی ایله تانیش اولدوغونا گؤره ایفتیخار حیسی کئچیردیگینی بیل‌دیره‌رک: " بمت باش کاتیبی‌نین بورایا گلمه‌سی، کدریمیزی بؤلوشمه‌سی چوخ شئی ایفاده ائدیر" دئیه دانیشدی.

خاطیرلاداق کی، یئنی زئلاندیانین کرایست چرچ شهرینده النور و لینوود مسجیدلرینه مارسین 15-ده تشکیل ائدیلن ترور هوجوم‌لاریندا آرا‌لاریندا بیر تورکیه وطنداشی‌نین دا اولدوغو 51 نفر هلاک اولوب، 49 نفر یارالانیب.

تورکیه وطنداش‌لاری مصطفی بوزتاش، تمل آتاچ اوغلو و زکریه تویان هوجومدا یارالانیب‌لار. آغیر یارا‌لانان زکریه تویان یوغون باخیمدا 48 گون قالدیق‌دان سونرا وفات ائدیب.



ایلگیلی‌لی خبرلر