امریکا قطره ساواش هلیکوپترلری ساتاجاق
امریکا خاریجی ایشلر ناظیرلیگی قطره 3 میلیارد دوللار دیرینده 24 AH-64E تیپ‌لی دؤیوش هلیکوپتری‌نین ساتیشینا ایجازه وئردی.
امریکا خاریجی ایشلر ناظیرلیگی قطره 3 میلیارد دوللار دیرینده 24 AH-64E تیپ‌لی دؤیوش هلیکوپتری‌نین ساتیشینا ایجازه وئردی.
بو باره‌ده معلوماتی امریکا مودافعه، تهلوکه‌سیزلیک امکداش‌لیغی آژانسی یایدی.
معلوماتدا دئییللیر: "امریکا خاریجی ایشلر ناظیرلیگی قطره خاریجی حربی ساتیش چرچیوه‌سینده تخمینن 3 میلیارد دو‌لار دیرینده 24 AH-64E تیپ‌لی دؤیوش هلیکوپتری‌نین ساتیشی ایله باغلی علاقه‌دار اورقان‌لارین ساتیش عملیات‌لارینی تصدیق ائتمک باره‌سینده قرار قبول ائتدی".
معلوماتدا آژانسین ساتیش ایجازه‌سینی کنگره یه تقدیم ائتدیگی بیلدیریلیر، قطره داها اول ساتیلان "24 آپاچی" هلیکوپترینه علاوه اولان بو ساتیشین اؤلکه‌نین یاخین هاوا دستکی قابیلیتینه تحفه اولاجاغی قئید ائدیلیر.
معلوماتدا عینی زاماندا، سؤزوگئدن ساتیشین بؤلگه‌دکی حربی بالانسا تأثیر ائتمه‌یه‌جگی ده ایفاده اولونور.
کنگره دن 30 گون عرضینده هئچ بیر اعتراضین گلمه‌مه‌سی حالیندا هلیکوپترلرین ساتیشی ایله باغلی گؤروش‌لر باشلایا بیلر. 30 گون‌دن سونرا امریکا قطره تکلیف مکتوبو تقدیم ائده‌جک و ساتیشلا باغلی گؤروش‌لر کئچیریله‌جک.
