گوایدو طرفدارلارینی شنبه گونو میتینقه چاغیردی
ونزوئلا-دا حربی چوریلیش جهدی اوغورسوزلوقلا نتیجهلنن موخالیفت لیدری خوان گوایدو طرفدارلارینی شنبه گونو میتینقه سسلهدی.
ونزوئلا-دا حربی چوریلیش جهدی اوغورسوزلوقلا نتیجهلنن موخالیفت لیدری خوان گوایدو طرفدارلارینی شنبه گونو میتینقه سسلهدی.
اؤزونو موقتی پرزیدنت اعلان ائدن میللی مجلیسین صدری گوایدو پایتاخت کاراکاس-دا 30 آوریلده بیر قروپ عسگرله چوریلیشه جهد ائتمهسی سببیندن حبس ائدیلن میللی مجلیسین بیرینجی معاوینی ادگار زامبرانو اوچون اؤلکه میقیاسیندا اعتراض نوماییشلری کئچیرهجکلرینی بیلدیریب.
گوایدو بونو پایتاخت کاراکاس-دا کئچیردیگی مطبوعات کنفرانسیندا دئییب.
زامبرانونون چوریلیش جهدینده رول آلدیغی سببیندن ونزوئلا عالی عدالت محکمهسینین تعلیماتی ایله بولیوارچی میللی کشفیات شعبهسی طرفیندن حبس ائدیلدیگینی بیلدیرن گوایدو بونون میللی مجلیسه قارشی چئوریلیش اولدوغونو ایرهلی سوروب.
گوایدو ونزوئلا حکومتینین 27 آوریل تاریخیندن سونرا رسمی اولاراق آیریلدیغی امریکا دؤولتلری تشکیلاتی طرفیندن میللی مجلیس نمایندهسی اولاراق قوستاوو تارره بریجنونو بو چرچیوهده آختاردیغینی و وضعیتین تشکیلات طرفیندن عاجیل اولاراق موذاکیره ائدیلمهسینین واجیبلیگینی دیله گتیریب.
امریکا خاریجی ایشلر ناظیرلیگی ده بو حادثه قارشیسیندا سوسیال مئدیا اوزریندن زامبرانونون حبس ائدیلمهسینه رئاکسیا گؤسترمیش، آزادلیغا بوراخیلمایاجاغی تقدیرده ونزوئلا حکومتینه جاواب وئرهجکلرینی بیلدیرمیشدی.