مایک پومپئو، آوروپا تورونا چیخیر
آمریکا خاریجی ایشلر ناظیری مایک پومپئو، ایکیطرفلی علاقهلر و بؤلگهسل ماراقلار چرچیوهسینده بعضی آوروپا اؤلکهلرینه سفر ائدهجک
آمریکا خاریجی ایشلر ناظیری مایک پومپئو، ایکیطرفلی علاقهلر و بؤلگهسل ماراقلار چرچیوهسینده بعضی آوروپا اؤلکهلرینه سفر ائدهجک.
آمریکا خاریجی ایشلر ناظیرلیگی سؤزچوسو مورقان اورتاگوس، پومپئونون ائدجگی آوروپا سفرینه دایر یازیلی بیر آچیقلاما وئردی.
اورتاگوس، پومپئونون ایلک اولاراق 6 میده فنلاندا گئدهرک آرکتیک شوراسینین 11-جو ناظیرلر گؤروشمهسینه قاتیلاجاغینی، داها سونرا برلینه کئچهرک آلمانیا باش ناظیری آنگلا مرکل و آلمانیا خاریجی ایشلر ناظیری هایکو ماس ایله گؤروشهجگینی آچیقلاییب.
آچیقلامادا، پومپئو و مرکل آراسیندا 7 میده کئچیریلهجک گؤروشمهده اوکراین، روسیا، چین، سوریه و غربی بالکانلار کیمی بیرگه ناراحاتلیقلارین موذاکیره اولوناجاغی قئید ائدیلیب.
دیگر طرفدن، پومپئونون 8 میده لندنه کئچهرک، اینگیلیتان باش ناظیری ترزا می و بؤیوک بریتانیا خاریجی ایشلر ناظیری جرمی هانت ایله قلوبال اؤنجهلیکلر و ایکیطرفلی علاقهلر موضوعلاریندا گؤروشمهلر ائدجگی ایفاده ائدیلدی.
آچیقلامایا گؤره، آوروپا سفرینین سون گونو میین 9-وندا گروئنلنده گئدهجک اولان پومپئو، اورادا گرونلند باش ناظیری کیم کیلسن، گروئنلند خاریجی ایشلر ناظیری آنه لون باگر و دانمارک خاریجی ایشلر ناظیری آندرس سامولسن ایله بیر آرایا گلهرک، شمال قوطبونداکی اورتاق اؤنجهلیکلر و گروئنلند ایله داها گئنیش امکداشلیق کیمی مسئلهلری گؤروشهجک.
ایلگیلیلی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجهسینده اؤلن گنج ده تظاهراتدا آنیلیب