پلیس باسقینی قانلی بیتدی

ائوده ۶سی اوشاق ۱۵ نفرین جسدی تاپیلدی

1190907
پلیس باسقینی قانلی بیتدی

سر-لانکادا پلیسین بیر ائوه تشکیل ائتدیگی باسقین‌دا چیخان چاتیشمادا ۱۵ نفر اؤلدو.

پلیس سؤزچوسو روان گوناسکارا، میلیتانلارین گیرلندیگی خبری اوزرینه بیر ائوه پلیسین باسقین تشکیل ائتدیگینی و چاتیشما چیخدیغینی قید ائتدی.

شبهه‌لی قروپلا پلیس آراسین‌دا چیخان چاتیشمانین آردین‌دان ائوده ۶سی اوشاق ۱۵ نفرین جسدینین تاپیلدیغینی ایفاده ائد‌ن گوناسکارا، ۳ شبهه‌لینین ده یارالاندیغینی سؤیله‌دی.

گوناسکارا، اؤلدورولنلردن بعضیلرینین پاسکالیا گونون‌ده ترور سالدیریلاری تشکیل ائد‌نلردن اولدوغونون تخمین ائدیلدیگینی ایفاده ائتدی.

اؤته یاندان، سریلانکا پرزیدنتی مایتریپالا سیریسنا، پاسکالیا گونون‌ده‌کی سالدیریلاردا سالدیرقانلارین چته‌باشی اولدوغو ادعا ائدیله‌ن زهران هاشمین، باشکند کلمبودا شانگری لا هتلینه تشکیل اولونان سالدیریا لیدئرلیک ائتدیگینی و بو سالدیری‌دا اؤلدویونو، هاشم "ایلهام" آدلی ایکینجی بیر انتحار سالدیرقانینین ائشلیک ائتدیگینی آچیقلادی.

سریلانکادا بازار گونو خریستیانلار اوچون مقدس پاسکالیا آیینی زامانی کلیسه و هتللره بومبالی سالدیریلار حیاتا گئچیریلمیشدی.

بو سالدیریلارین آردین‌دان باشکند کلمبونون اطرافیندا دا پاتلامالار اولموشدو.

سریلانکا مقاملاری، سالدیریلاردا ۲۵۳ نفرین حیاتینی ایتیردیگینی آچیقلادی.

بومبالی سالدیریلاری ترور هؤرگوتو داعش اوزرینه گؤتورموشدو.



ایلگیلی‌لی خبرلر