سریلانکا: سالدیری‌لارین سببکاری "میللی توحید جماعتی"
سریلانکا پرزیدنت اوفی‌سین‌دن ائدیلن آچیقلامادا دا سالدیری‌لارین خاریجی علاقه‌لری‌نین حل ائدیلمه‌سی اوچون باشقا اؤلکه‌لردن یاردیم طلب ائدیله‌جگی قئید ائدیلیب
سریلانکا حکومتی، پاسکالیا گونو آرا‌لاریندا کیلسه و اوتل‌لرین اولدوغو 8 نقطه‌یه تشکیل اولونان ترور سالدیریلاریندان بین الخالق دستک‌لی یئرلی میلیتان قروپونو گوناهلاندیریب.
یئرلی مطبوعات‌داکی خبرلره گؤره، ساغلیق ناظیری و حکومت سؤزچوسو راجیت سناراتن، ائتدیگی آچیقلامادا، سالدیری‌لارین سببکاری‌نین "میللی توحید جماعتی" آدلی یئرلی تشکیلات اولدوغونو بیلدیریب.
سناراتن، تشکیلاتین سالدیری‌لاری بین الخالق ترور شبکه‌سی‌نین دستگی ایله حیاتا کئچیردیگین‌دن شوبهه‌لنیلدیگینی ایفاده ائتدی.
سریلانکا پرزیدنت اوفی‌سین‌دن ائدیلن آچیقلامادا دا سالدیری‌لارین خاریجی علاقه‌لری‌نین حل ائدیلمه‌سی اوچون باشقا اؤلکه‌لردن یاردیم طلب ائدیله‌جگی قئید ائدیلیب.
دیگر طرف‌دن، حکومتین سالدیری‌لاردان اوّل پاسکالیا دؤورونده اؤلکه‌ده ترور ائیلمی کئچیرجگی باره‌ده اوچ دفعه خبردارلیق ائدیلدیگی ادعا ائدیلدی.
هیندیستاندا نشر ائدن تلویزیون ایندیادا یئر آلان خبرده، سریلانکا حکومتی‌نین، سالدیری‌لارین اولا بیل‌جگینه دایر 4 آوریلده بیر "دوست اؤلکه‌نین" اونلاری خبردار ائتدیگینی قبول ائتدیگینی ایره‌لی سوردو.
هیند مطبوعاتیندا چیخان خبرلرده سؤز قونوسو دوست اؤلکه‌نین هیندیستان اولدوغو آچیقلاما‌لاری کئچیریلیب.
دیگر طرف‌دن، سریلانکا تلکومونیکاسیون ناظیری هارین فرناندو دا شخصی توئیتر حسابیندا، سریلانکا پولیس رئیسی معاوینی‌نین ایمضاسی ایله درج اولونان 11 آوریل تاریخ‌لی بیر کشفیات راپورونو‌نون فوتوغرافینی پایلاشدی.
راپوردا، "میللی توحید جماعتی" آدلی تشکیلاتین، پاسکالیا بایرامیندا اؤلکه‌دکی کاتولیک کیلسه‌لرینه و اینگیلیستان عالی نماینده‌لیگینه قارشی ائیلم حاضیرلیغیندا اولدوغونا دایر معلومات‌لارین یئر آلدیغی قئید اولونوب. فرناندو، مسئول‌لاری راپورو گؤرممزلیگدن گمکله گوناهلاندیردی.
خبردارلیق‌لاردان سونونجوسونون ایسه سالدیرینین باش وئردیگی صاباح ساعات‌لاریندا، بومبا‌لارین پوسکورمه‌یه باشلاماسین‌دان 10 دقیقه اوّل میلیتانلار طرفین‌دن آپاریلدیغی ایره‌لی سورولدو.
سریلانکادا دونن خریستیان‌لار اوچون مقدس پاسکالیا آیین‌لری‌نین کئچیریلدیگی کوچچیکاد شهرین‌دکی سن آنتونی، کاتاناداکی سن سباستیان و باتیکالواداکی مریم آنا کیلسه‌لری ایله باشکند کولومبوداکی بئش اولدوزلو شانگری-له، سینامون گراند و کینگسبوری اوتل‌لرینه بومبا‌لی سالدیری‌لار حیاتا کئچیریلمیشدی.
بو سالدیری‌لارین آردین‌دان باشکند کولومبونون حومه‌لریندکی قصبه‌لری دهیوالاداکی قوناق ائوی یاخینلیغیندا و دماتوگودا دا اوست کئچید یاخینلیغیندا پارتلاییش‌لار اولموشدو.
سریلانکا اورقان‌لاری سالدیری‌لاردا 290 نفرین اؤلدوغونو، 500دن آرتیق اینسانین یارالاندیغینی آچیقلادی.
