یانلیش پارتییه سس وئره‌ن شخص بارماغینی کسدی

"فیله سس وئرمک ایستدیم، اما یانلیشلیقلا گوله سس وئردیم"

یانلیش پارتییه سس وئره‌ن شخص بارماغینی کسدی

هیندیستان‌دا یانلیش پارتییه سس وئره‌ن شخص، ایشاره بارماغینی کسدی.

بی‌بی‌سی‌نین خبرینه گؤره، هیندیستان‌داکی پارلمان سئچیملری چرچیوه‌سین‌ده دونن قوزئیده‌کی اوتار پرادش ایالتین‌ده پاوان کومار آدلی سئچیجی، اویونو وئردیک‌دن سونرا یانلیشلیقلا حاکمیت‌ده‌کی بهاراتیا جاناتا پارتیسینه سس وئردیگینی فرق ائتدی.

کومار، سوسیال مئدیادا پایلاشیلان ویدئودا، یئرلی بیر پارتییه سس وئرمک ایستدیگینی آنجاق اوی وئرمه ماشینین‌دا چوخ ساییدا سمبولون باشینی قاریشدیردیغینی دئدی.

"فیله سس وئرمک ایستدیم، اما یانلیشلیقلا گوله سس وئردیم"  دئیه‌ن کومار، پشمانلیغین یول آچدیغی اؤفکه ایله چیخماز مورکبه باتیریلان ایشاره بارماغینی کسدی.

هیندیستان‌دا پارلمان سئچیملرین‌ده حاکم پارتینین سمبولو نیلوفر چیچگی ایکن، فیل، باهوجان ساماج پارتیسینین سمبولو اولاراق ایستیفاده ائدیلیر.

بعضی بؤلگه‌لرده اوخوما یازما نیسبتینین آشاغی اولدوغو هیندیستان‌دا پارتی سمبوللاری سئچیجیلرین ایشینی آسانلاشدیریر.

هیندیستان‌دا ۱۱ آوریل‌ده باشلایان پارلمان سئچیملرینین ایکینجی مرحله‌سی دونن کئچیریلدی.

سئچیملرین دیگر مرحله‌لری، ۲۹ آپرئل ایله ۶، ۱۲ و ۱۹ مای تاریخلرین‌ده کئچیریله‌جک. سئچیم نتیجه‌لرینین مایین ۲۳-ده آچیقلانماسی نظرده توتولور.



ایلگیلی‌لی خبرلر