دونیادان نوتر دام مساژلاری
فرانسانین باشکندی پاریسده تاریخی نوتر دام کیلسهسینده چیخان یانغینا ایلیشکین، اؤلکهلر بیرلیک مساژلاری پایلاشدی
فرانسانین باشکندی پاریسده تاریخی نوتر دام کیلسهسینده چیخان یانغینا ایلیشکین، اؤلکهلر بیرلیک مساژلاری بؤلوشدو.
ایسپانیا باش ناظیری پدرو سانچز، توئیتر حسابیندان وئردیگی آچیقلامادا،
نوتردام یانغینی فرانسا اوچون بیر فلاکت، ایسپانیا و آوروپا اوچون ده. آلوولار 850 ایللیک تاریخی، معمارلیق قورولوشو یئرله بیر ائدیر. بونو اونوتماق چتین اولاجاق. فرانسا بو بؤیوک وارلیغینین قورتاریلماسیندا بیزی حسابا قاتابیلر." ایفادهلرینی ایستیفاده ائتدی.
ایتالیا باش ناظیری جوزپه کونته ده توئیتر حسابیندان فرانسیزجا آتدیغی مساژدا، "فرانسیزلار اوچون، آوروپالی هامیمیز اوچون اورکده بیر تییخیم." قیمتلندیرمهسینی کئچیریب.
آلمانیا باش ناظیری آنگلا مرکل ده پاریسده اولانلاردان دولایی درین بیر کدر دویدوغونو بیلدیرهرک، "دوشونجهلریمیز، فرانسیز دوستلاریمیزلا." دئدی.
اوتریش پرزیدنتی آلکساندر وان در بلن ایسه توئیتر ائتدیگی آچیقلامادا، "پاریسدن قورخونج و ناراحات ائدیجی گؤرونتولر. احتشاملی نوتر دام کیلسه یانیر. دوشونجهلریمیز پاریسله بیرلیکده." قیمتلندیرمهسینی کئچیریب.
اینگیلتره باش ناظیری ترزا می، رسمی توئیتر حسابیندان آپاردیغی پایلاشیمدا، یانغینلا موباریزه ائدنلره دستگینی دیله گتیردی.
آوروپا بیرلیگی شوراسینین باشقانی دونالد توسی، سوسیال مئدیا حسابیندان پایلاشدیغی مساژدا، "بو گون هامیمیز پاریس." دئدی.
آوروپا کومیسیونونون پرزیدنتی یان کلود یونکر، سوسیال مئدیادان دقیقه دقیقه نوتر دام یانغینینی تعقیب ائتدیگینی بیلدیرهرک، "نه قورخونج بیر آن. بوتون فرانسیز خالقینین دویغولارینی پایلاشیرام." مساژینی چاتدیردی.
آوروپا پارلامنتینین باشقانی آنتونیو تاژانی ده یانغینلا موباریزه آپارانلارا جسارت آرزوسوندا اولوب.
ناتو باش سکررتری ینس استولتنبرگ، یاییملادیغی مساژدا، یانغیندان تأسف ائتدیگینی وورغولایاراق، "دوشونجهلریمیز، آوروپانین بو بؤیوک سمبولونو قورتارمایا چالیشانلارلا و فرانسیز خالقی.". ایفادهسینی ایستیفاده ائتدی.
واتیکاندان ائدیلن آچیقلامادا، نوتر دام کیلسهسینده یانغینین بؤیوک شوک و تأسفله قارشیلاندیغی، بو دراماتیک وضعیتله موباریزه ائدن یانغین سؤندورنلر اوچون دعا ائدیلدیگی قئید اولونوب.
آمریکانین پرزیدنتی دونالد ترامپ ایسه توئیتر حسابیندان، "پاریسدکی نوتر دام کیلسهسیندکی بؤیوک یانغینی ایزلمک دهشتلی. بلکه ده، یانغینی سؤندورمک اوچون اوچان سو تانکرلری ایستیفاده ائتمک. سرعتلی حرکت ائدیلمهلی"! مساژینی پایلاشدی.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب