آلمانیا، سعودی عربیستانا سیلاح ساتیشینی باشلایاجاق
آلمانیا، سعودی ژورنالیست جمال قاشیقچی جینایتی‌نین سونرا سعودی عربیستانینا دایاندیردیغی سیلاح ساتیشینا یئنی‌دن باشلاماق قراری آلدی
آلمانیا، سعودی ژورنالیست جمال قاشیقچی جینایتی‌نین سونرا سعودی عربیستانینا دایاندیردیغی سیلاح ساتیشینا یئنی‌دن باشلاماق قراری آلدی.
آلمان مطبوعاتیندا چیخان خبرلره گؤره، آلمان میللی امنیت شوراسی، کؤرفز اؤلکه‌لرینه کئچیریله‌جک نیظامی وسایل و تکنیک ایخراجاتینی تصدیق ائدیب.
آلمانیا مرکزلی اوره‌تیلن تجهیزات و یازیلیم فرانسیزلار کاماگ شیرکتینه تداروک ائدیله‌رک سعودی عربیستانینا و بیرلشمیش عرب امیرلیک‌لرینه گؤندریله‌جک.
فرانسا و آلمانیانین اوره‌تدیغی کوبرا رادار سیستم‌لرینه عایید بعضی تجهیزات و تأمینات یئنیلمه‌لری ده بیرلشمیش عرب امیرلیک‌لرینه ایخراج ائدیلمه‌سی شورا طرفین‌دن تصدیق اولوندو.
آلمانیا حکومتی سعودی ژورنالیست جمال قاشیقچی-نین 2 اوکتوبردا ایستانبول‌داکی سعودی کونسوللوغوندا اؤلدورولمه‌سی سونراسی، سعودی عربیستانا سیلاح ساتیشینی سپتامبر آیینا قدر دایاندیرما قراری آلمیشدی.
آوروپا‌لی موتتفیق‌لر فرانسا و اینگیلیستان ایسه آلمانیانین سیلاح ایخراجینی دایان‌دیرماق قرارینی بیرگه ساوونما سیاستینه خلل گتیردیگی سببیله تنقید ائتمیشدی.
آلمانیا، سعودی عربیستانا و بیرلشمیش عرب امیرلیک‌لرینه ایخراجات ایجازه‌سینی ایله، دیگر اؤلکه‌لرله بیرگه اوره‌تیلن تجهیزات‌لارین ساتیشیندا استثناء ائتمیش اولدو.
سعودی عربیستانی‌نین سؤزقونوسو سیلاح و تجهیزاتی یمن ساواشیندا ایستیفاده ائدجگی قورخوسو سببیله موضوع آلمانیادا اوزون مدت‌دیر موذاکیره ائدیلیر.
فدرال حکومت برلین‌ین "بیرگه اوره‌تیلن سیلاح و تجهیزاتین یمن ساواشیندا ایستیفاده ائدیلممه‌سی اوچون تلاش گؤسترجگینی" وورغولاسا دا، موخالیفت‌دکی یاشیل‌لار پارتیسی، آلمانیا و آوروپادا اوره‌تیلن سیلاح‌لارین هله ده یمن‌دکی ساواشدا ایستیفاده اولونما احتیمالینا دقت چکیر.
