اینگلیستان، 43 سعودی‌یه نیظامی تحصیل

اینگیلیستان‌ین،یمن‌ده اینسان حاق‌لاری پوزونتولاری ائتدیگی اتهام‌لاری یؤنلدیلن سعودی عربیستانین عسگرلرینه تحصیل وئردیگی اورتایا چیخدی

1181103
اینگلیستان، 43 سعودی‌یه نیظامی تحصیل

اینگیلیستان‌ین،یمن‌ده اینسان حاق‌لاری پوزونتولاری ائتدیگی اتهام‌لاری یؤنلدیلن سعودی عربیستانین عسگرلرینه تحصیل وئردیگی اورتایا چیخدی.

اینگیلیس گاردیان قزئتی‌نین خبرینه گؤره، سعودی ان آز 43 عسگر، ساندهرست کرالیت نیظامی آکادمیسی و کرالیت دنیز کولژی‌نده 2015دن بری تحصیل آلیر.

سؤزقونوسو 43 عسگرین چوخونون، کرالیت دنیز کولژی‌نده تحصیل آلدیغی ایفاده ائدیلن خبرده، سعودی دنیز گوجلری‌نین، خصوصیله اوشاق‌لاری تأثیر ائدن بیر بلوکادا تطبیق ائتمک و آجلیغین گؤرولدوگو یمن‌ده بالیقچی‌لاری اؤلدورمکده اتهام ائتدیگینه دقت چکیلیب.

گاردیان، عسگر سای‌لرینه دایر معلوماتی، ساوونما ناظیرلیگی‌نین معلومات ایستگی مراجعتینی رد ائتمه‌سی اوزرینه، محکمه‌یه وئردیگی اعتراضین قبول ائدیلمه‌سی ایله سئچدیگینی بیلدیریب.

اینگیلیس ساوونما ناظیرلیگی، بو تحصیل قارشیلیغیندا قازانیلان پول میقدارینا دایر معلومات وئرمه‌دی. ناظیرلیک، بونا اساس اولا‌راق دا بو جور معلوماتین لندن‌ین الریاض ایله اولان علاقه‌لرینی تأثیر ائتمک و یا دیگر دولت و یا شیرکت‌لر طرفین‌دن رقابت مقصدیله قوللانیلابیلمه تهلوکه‌سینی گؤستردی.

مسئله ایله باغلی دانیشان ایشچی پارتیسی میللت وکیلی لوید راسل-مویل، اینگلیستان‌نین سعودی عسگرلری تحصیلی‌نین، "اینگیلیس‌لرین سعودی ساواش ماشینی‌نین یمن خالقینی یوخ ائتمه‌سینه ایمکان تانییان بوزداغی گؤرونن قیسیمی" اولدوغونو ایفاده ائتدی.

راسل-مویل، حکومتی همچینین "اینسان‌لارین چکدیگی اذیت‌لردن پول قازانماقلا" گوناهلاندیردی.

اینسان حاق‌لاری ایزلمه تشکیلاتین‌دان پریانکا موتاپارتی ده بو اینفورماسیونون اینگیلیس اوردوسونون، سعودی ایله نه قدر یاخین چالیشدیغینی گؤستردیگینی بیل‌دیره‌رک، سعودی عربیستان اوردوسونون دنیزده بلوکادا تطبیق ائتدیگینه و یمن‌لی بالیقچی‌لاری قتله یئتیردیگینه ایشاره ائتدی.

Sky News –ا گؤره ایسه اینگلیستان، یمن‌ده عملیات کئچیرن سعودی عربیستانی رهبرلیگین‌دکی کوالیسیونا 2015دن بو یانا ان آزی 5.7 میلیارد پوند-استرلینگ (42.5 میلیارد تورک لیره سی) دگرینده سیلاح ساتیب.



ایلگیلی‌لی خبرلر