واشینگتون پوست قزئتی: شاهزاده محمد بن سلمان، ترامپی "ضعیف و قورخاق" گؤستردی
باش مقالهسینده، ترامپ، خاریجده حاقسیز شکیلده حبسده اولان آمریکالیلاری سربست بوراخماسی ایله اؤیونور. آنجاق ایکی سعودی عربیستانی کؤکنلی آمریکا وطنداشینین حبس اولونماسینا هئچ بیر شئی دئمهدی
آمریکانین واشینگتون پوست قزئتی، سعودی عربیستانینین ولیعهد شاهزاده محمد بن سلمانین آمریکانین پرزیدنتی دونالد ترامپی "ضعیف و قورخاق" گؤستردیگینی یازیب.
واشینگتون پوست، دونن درج اولونان باش مقالهسینده،
ترامپ، خاریجده حاقسیز شکیلده حبسده اولان آمریکالیلاری سربست بوراخماسی ایله اؤیونور. آنجاق ایکی سعودی عربیستانی کؤکنلی آمریکا وطنداشینین حبس اولونماسینا هئچ بیر شئی دئمهدی. 33 یاشلی سعودی عربیستانی رهبری (ولیعهد شاهزاده محمد بن سلمان) آمریکا پرزیدنتینی ضعیف و قورخاق گؤستریر." ایفادهسینی ایستیفاده ائتدی.
سلمانین اینسان حاقلاری آکتیویستلری، ژورنالیست و موخالیفلره قارشی "قددار" داورانیشینین دییشمیهجگی بارهده دونیایا آیدین مساژ وئردیگی بیلدیریلن یازیدا، ولیعهد شاهزادهدن، 11 قادین حقوق ساوونچوسونون محکمهلری داوام ائدرکن، اونلارا دستک وئرن، آرالاریندا 2 آمریکا وطنداشینین دا اولدوغو 12 نفری داها توتدوغو ایفاده ائدیلیب.
سلمانین، آمریکا کونگرهسینه، سعودی قزئتهجی جمال قاشیقچی جینایتی و سؤزقونوسو حبسلرله باغلی اعتراضلاری نظره آلمادیغینی گؤستردیگینی یازان واشینگتون پوست، بونون سببینین آمریکا پرزیدنتی ترامپین، قاشیقچی مسئلهسینده هر هانسی بیر آددیم آتماماسی اولدوغونو بیلدیریب.
یازیدا همچینین ایلهنین، جمعه گونو نمایندهلر مجلیسیندن کئچن و آمریکانین سعودی عربیستانی رهبرلیگیندکی کوالیسیونا یمنده وئردیگی نیظامی دستگی دایاندیریلماسی طلب ائدن قانون لاییحهسینه قارشیلیق آمریکا وطنداشلارینی حبس ائتمیش اولابیلهجگی قیمتلندیرمهسینی ائدیب.
ایلگیلیلی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجهسینده اؤلن گنج ده تظاهراتدا آنیلیب